أحمد مراد: أرسلت جوابات لأحمد خالد توفيق ونبيل فاروق معبرونيش
ألقى الكاتب الروائي أحمد مراد كلمة في حفل توزيع جوائز مسابقة روايات مصرية للجيب المقدمة من المؤسسة العربية الحديثة باعتباره عضور مجلس أمناء الجائزة لهذه الدورة.
أحمد مراد: أرسلت جوابات لأحمد خالد توفيق ونبيل فاروق معبرونيش
وقال أحمد مراد في كلمته: أنا محظوظ جدا إن وأنا صغير اتعرفت بسلسة روايات مصرية للجيب، وكنت منبهر جدا بشغل دكتور خالد ودكتور نبيل فاروق، متابعا: بعت لهم جوابات مرة معبرونيش لأن أكيد مع كم القراء الرهيب اللي كان بيبعت مش هيقدروا يبصوا أبدا لكم الناس دي كلها ومش هيقدروا يردوا على الجوابات دي كلها.
وأضاف: كنت صغيرا وقتها وبعدها دخلت معهد سينما وبعدين جالي حلم تاني أني أبعت لهم إني أعمل حاجة سينما برضو معبرونيش.
وتابع: كبر الحلم وكنت أجلس مرة في دار ميريت، واقترحوا عليَّ مناقشة روايتي تراب الماس فطلبت منهم أن يحضر الدكتور أحمد خالد توفيق الندوة، ولم يكن يعرفني في هذا الوقت نهائيا، وجاء الدكتور أحمد خالد توفيق معه أربع علب سجائر، وأدار الندوة كأنه أبويا.
وختم مراد: مش هنسى أبدا اللحظة دي وشاء القدر أني أعيش معاه آخر عشر سنين وبقينا أصحاب جدا في سفر مع بعض ورحنا وجينا وكنت بزوره في البيت.
