شقيق أنغام: أهلي واكلين حقي ومش هسكت حتى لو قتلوني زي غنوة
أعرب الموسيقار خالد محمد علي سليمان، شقيق الفنانة أنغام، عن استيائه الشديد لما يُعانيه بسبب أسرته، مؤكدًا أنه يمتلك الدليل القاطع على قتلهم شقيقته غنوة، كما أنهم مستولون على حقوقه.
وكتب شقيق أنغام عبر حسابه الشخصي بموقع التواصل الاجتماعي فيسبوك: أهلي وعيلتي واكلين حقي وبينكروه، وماجدة بتشحت من الناس وبتبتذنا بحجة أحمد وياسين، ماجدة السبب في موت غنوة وعندي الدليل القاطع، أسكت؟!.
وأردف شقيق أنغام: أقسم بالله العظيم وحق جلال الله مفيش سكوت تاني، مفيش عنف، بس فيه قسوة للآخر، تدوني حقي أو اقتلوني زي ما قتلتوا غنوة بالظلم وبتقتلوا ياسين بالبطئ، ده انتوا عالم كفرة.
وأضاف: لو ضاع مستقبلي برضو مش هسكت، تحبسوني أو تسقعوني برضو مش هسكت، هسكت لما تقتلوني، لآخر نفس مش هسكت.. غالب ومغلوب.
شقيق أنغام: أختي الوحيدة اللي تستحق لقب صوت مصر بعد أم كلثوم
ومن جهة أخرى، سبق أن علق الموسيقار خالد محمد علي سليمان، شقيق الفنانة أنغام، على الجدل المثار بشأن لقب صوت مصر، حيث قال في تصريحاته لـ القاهرة 24: أنغام الوحيدة في زملائها اللي عارفة قيمة بلدها وأنها واجهة لبلدها، وهي مش مستنية شكر، ولكن دي الحقيقة ودي مسؤولية هي بتحافظ عليها، والتريند رقم 1 مكتوب صوت مصر أنغام، بعد حفلة صوت مصر كل المطربين قالوا على نفسهم صوت مصر.
وأضاف: بين كوكب الشرق وصوت مصر أنغام مفيش ألقاب تانية، وأي لقب تاني يبيقى صاحب الاسم بيطلقه على نفسه، وأنغام بتقول على نفسها هاوية، وهي عمرها ما شكرت في نفسها، ومفيش لقب يتقال بعد كوكب الشرق غير صوت مصر أنغام.
