عمرو أديب: عودة الإخوان ومن معهم غير مقبول.. وقياداتهم في 2013 اتجابوا بالملايات اللف والنقاب
تحدث الإعلامي عمرو أديب عما تردد من عودة الإخوان للدولة المصرية ودمجهم في أحزاب سياسية، قائلا: أي مرشح رئاسي يقول اللي هو عايزه.. إلا حاجة واحدة هي ضم الإخوان.. بقا يتسرسب الكلام عنهم لدمجهم في أحزاب مدنية، متابعا: طرح الإخوان ومن معهم غير مقبول.
عمرو أديب: قيادات الإخوان في 2013 اتجابوا بالملايات اللف
كما أضاف عمرو أديب خلال تقديمه برنامج الحكاية على mbc مصر: أيه هي لازمة الإخوان في مصر؟.. هو ربنا خلق الدنيا ومعاها الإخوان يعني؟!، مردفا: أنا راجل داخل على الستين ومش عايز حاجة من الدنيا لكن إلا رجوع الإخوان.. الناس دي عايزة ترجع وكانوا بيقولوا هنحكم لـ 800 سنة.
وتابع أديب: قيادات الإخوان في 2013 اتجابوا بالملايات اللف والنقاب إلا الراجل بتاع الزبادى.. ودول عمرهم ما كانوا مصريين.. الإخوان عاملين نفسهم جنسية وباسبور.. ميعرفوش يعنى أيه بلد.
وأكمل أديب حديثه: محمد بن جاسم رئيس وزراء قطر قال إنه فوجئ بمستواهم المتردي وأنهم لا يرقون أبدا للسياسة ولا لإدارة دكان، متابعا: الإخوان لو دخلوا أحزاب هياكلوا أى حاجة.. هتلاقي فلوس وانزل وكسر.
