حسين فهمي: رفضت إخراج فيلم لفاتن حمامة لهذا السبب.. ولازم كل شاب يدرس الفلسفة
تحدث الفنان حسين فهمي عن مشواره الفني، وعن ترشيح المنتج رمسيس نجيب له لإخراج فيلم للفنانة الراحلة فاتن حمامة، وذلك خلال ندوته في مهرجان الغرقة لسينما الشباب في دورته الأولى.
وقال حسين فهمي خلال الندوة: اتفرجت على السينما المصرية وأنا صغير وانبهرت بعالم الفن وعالم السينما، وكان أملي وحلمي أكون في عالم الخيال ده.. وانبهرت بالسينما وكان وقتها عندي 10 سنين.
وَأضاف حسين فهمي: قررت أني عايز أكون مخرج؛ لأن المخرج هو السبب في الانبهار اللي بيكون في الفيلم، وأهلي وقتها رفضوا لأنهم كلهم في البرلمان والقضاء وقدمت في كلية حقوق وسحبت ورقي منها، وقدمت في معهد فنون.
حسين فهمي: أمي لما عرفت أني دخلت معهد الفنون تعبت في السرير.. ووالدي خاصمني
واستكمل حسين حديثه عن رد فعل أهله عندما قدم في معهد الفنون، معلقًا: أمي لما عرفت تعبت في السرير وأبويا خاصمني.. وأنا كنت متمسك بدخولي للمعهد، وبعدها بدأ المخرجين يكلموني في البيت فـ والدي يرد يقول مين يقوله أنا صلاح أبو سيف أنا يوسف شاهين.. أبويا بدأ ينبهر باللي بيحصل.
وأوضح حسين فهمي: قعدت 10 سنين أدرس كل حاجة.. والفنان لازم يدرس ويقرأ كل حاجة ولغاية دلوقتي بروح مكتبات وبشوف كتب وبحضر حفلات موسيقية، والسينما عالم كبير جدًا ولازم تعرف كل حاجة فيه، ولازم كل شاب يدرس فلسفة ويعرف إيه هي فلسفة الحياة والوجود.
واختتم حسين فهمي حديثه: رمسيس نجيب أول ما رجعت من أمريكا قالي اخرج فيلم لفاتن حمامة، واعتذرت لأني مش هعمل فيلم النجمة تقولي فيه أحط الكاميرا فين، وفاتن حمامة استغربت جدًا وقتها.
