كل الفلوس اللي خدتها حرام.. ميكب أرتست تعلن اعتزلها للمهنة: كنت بشارك في ذنب كبير ومش هستحمل أقف أمام ربنا
أعلنت أخصائية تجميل تدعى سهر أحمد توبتها والابتعاد عن مجال الميكب ارتست، وطلبت من متابعيها بالدعاء لها.
وتحدثت سهر أحمد عن اعتزالها لمهنة الميكب ارتست قائلة: اليوم، هو آخر يوم ليا في مهنه الميكب، وحقيقي أنا مش مصدقة أني بكتب الكلام ده بعد 5 سنين وأكتر من الجهد والتعب عشان أوصل للي أنا فيه، لكن بعد صراع جوايا بقاله أكتر من سنه بين حرمانية المهنة دي وحلالها وفلوسها، وبعد سؤال مشايخ كتير تأكدت أني بشارك في ذنب كبير أنا مش هستحمل أقف بيه أمام ربنا.
وعن سبب اتخاذها قرار بـ ابتعادها عن مهنة الميكب أرتست فقالت: كل واحدة عملتلها ميكب أخذت ذنبها لأنها اختلطت بغير محارمها في كل مناسبة راحتها، وأنا علي علم وكل واحدة نشرت صورتها ع صفحتي أخدت ذنب كل راجل شافها بسببي وأنا على علم.
وتابعت: كل الفلوس اللي خدتها بالآلاف كانت حرام مكنتش قادرة حتى أطلع منها صدقة استحياء من الله، وفي كل خطوة قلبي مكنش بيبقي راضي عن اللي بعمله ومكنتش أحب أتوفى على سوء خاتمة، ولو كنت بكسب كنوز الدنيا.
وأكملت: اللهم أني توبت عن هذا الذنب وعزمتأان لا أعود إليه مرة أخرى، أنا حقيقي مش عارفة هعمل إيه أو هشتغل أيه أو هرتب حياتي إزاي بس أنا كلي يقين أن من ترك شيئًا لله عوضه الله خيرًا منه.
