أبرز تصريحات لطفي لبيب مع إسعاد يونس: الأرض كانت بتهتز بحرب أكتوبر.. ومحتاجين حوافز لكتّاب المسرح
استعاد الفنان القدير لطفي لبيب ذكرياته، مع حرب أكتوبر، أثناء لقائه مع الفنانة إسعاد يونس، في برنامج صاحبة السعادة، إذ أشار إلى أنه دون تفاصيل هذه الحرب في كتاب وسيناريو عمل، وبعدها نفذ 3 نسخ من هذا الكتاب.
ونستعرض لكم في هذا التقرير أبرز تصريحات لطفي لبيب:
ـ الطيران عدى من فوقنا وقت حرب أكتوبر.. ومع رجوعه ابتدت المدفعية تعمل تمهيدات.
ـ أصوات ضرب الدانات مستمر لدرجة أن الأرض كانت بتهتز والفئران تطلع من بطن الأرض تجري.
ـ العدو ضرب علينا نار.. وواحد وقف جمبي أول طلقة جت فيه وهو بيقع قال حد ياخد مكاني.
ـ المدفعية بدأت تضرب النقطة المسحورة واقتحمنا أول دانة وأخذنا منهم أسرى.
ـ أنا تجنيد 70 وخريج نفس السنة من المعهد.
ـ كتبت حرب أكتوبر كلها في سيناريو وفيلم كامل.
ـ نزلت الكتاب في الأسواق ونفذت منه أول وتاني وثالث طابعة.
ـ حرب أكتوبر كانت رحلة جامدة جدًا.. جعنا واتحصرنا فيها كتير وقطرنا مية.
ـ الأرض كانت بتهتز من صوت ضرب الدانات المصرية وقت حرب أكتوبر.
وفي سياق آخر، سبق تحدث لطفي لبيب عن رأيه في المسرح في الفترة الحالية، إذ قال في لقائه مع القاهرة 24: إحنا عايشين أزمة مسرح اليومين دول، وأزمة كتّاب، كان زمان عندنا نجيب محفوظ وتوفيق الحكيم ويوسف إدريس والفريد فرج وعلي سالم ولينين الرملي وصلاح عبد الصبور وعبد الرحمن الشرقاوي، كل دول كتبوا مسرح، كوكبة من الكتّاب، النهاردة لما بندور هنسأل مين كتّاب مسرح دلوقتي؟ احنا محتاجين حوافز لكتّاب المسرح.
