هسلمهم ولادنا.. السيسي يكشف سبب إلحاق المعلمين بالأكاديمية العسكرية
وجه الرئيس عبد الفتاح السيسي، رئيس الجمهورية، رسالة إلى المواطنين منذ قليل؛ للرد على سبب إلحاق المعلمين بالأكاديمية العسكرية.
وأردف الرئيس السيسي، خلال كلمته منذ قليل بفعاليات يوم تفوق جامعات مصر، قائلا: ليه بتودوا بعض الناس للأكاديمية العسكرية.. لكل المصريين الي بيسمعوني، بتقول إن حصل تطور كبير في مجتمعنا، سلبي وإيجابي.. المعلم اللي عايزه موجود في المدرسة، عايزه عامل إزاي؟ مهارات وانتماءات عاملة ازاي؟.. لا أشكك في مهارات وقدرات أحد، ولكن بقول النهارده هسلم بناتنا وأولادنا للمدير دا أو المعلم، ونحن ننتقي وعندي فرصة يمكن في إنفاق أكتر عليه لأجهزة وأعده ليقوم بدور أنا محتاجه هعمل جهد شوية وهساعد في تطويره وتأهيله شوية.
وفي ظل تطور نظم الاتصال بقى دايما التليفون في ايدينا بنضيع وقت كتير ويمكن نسهر شوية.. وأنا عايز معلم يروح 6 الصبح المدرسة ويهتم بالرياضة، هصحيه كل يوم 5 الصبح طوال 6 شهور، بحطه في برنامج عام وإطار عام والفني مش بتدخل فيه، إطار عام للي هسلمهم أبناء مصر بعد كدا، ولو أقدر أعمل كدا في كل المؤسسات هعمل كدا لأني محتاج الجهاز الإداري للدولة أكثر انضباطًا وتقدمًا وأكثر استعدادًا للعطاء.
وتساءل رئيس الجمهورية عن كيفية تحقيق تلك المتطلبات، مردفًا: هعمل دا إزاي، الفكرة الي جت هي دي ولو حد عنده أفكار أخرى يقولي ونعملها.. خدتهم 6 شهور وتم الانتقاء واتعملهم كل الموضوعات التي تحقق كفاءة الاختيار، ثم نبذل جهد معاهم ليكونوا جاهزين من خلال التعليم الفني.. ولو عندي فرصة اعمل كدا مع الـ 30 ألف معلم ماكنتش هتردد، بس ماقدرش، لأن الي بتقوله هيتحط في عقول أطفال صغار، ثقافتك وممارساتك الطالب هيشربها منك، محتاج اطمن إن تم صياغة شخصية بعطيها ولادنا وبناتنا.
وتابع السيسي في رسالته للمواطنين: اللي دايما بيشوه ويسئ ويبث السموم في نفوس الناس من خلال إشاعات وكذب، نحن نحاول في ظل قدراتنا المحدودة.. عمري ما قولت كلام معسول وأحلام، قولت في عمل وبس وهنفضل نشتغل لحد ما ربنا يوفقنا ويكرمنا.
إنجازات التعليم العالي
وحققت الجامعات المصرية تقدما بارزا في التصنيفات العالمية وتم إطلاق الاستراتيجية الوطنية للتعليم العالي والبحث العلمي في مارس 2023 وتوقيع أربعة تحالفات بين المؤسسات التعليمية والإنتاجية وارتفاع عدد الجامعات إلى 92 جامعة وزيادة المستشفيات الجامعية 32 مستشفى وتوقيع اتفاقية إنشاء مقر وكالة الفضاء الإفريقية وتطوير منظومة الدارسين الوافدين وفوز مصر ببطولة كأس العالم للإسكواش للجامعات 2022 وغيرها من بطولات مشرفة.
وترتكز الاستراتيجية الوطنية للتعليم العالي على ثلاثة محاور، هي: رؤية مصر 2030 والتحول لجامعات الجيل الرابع وربط التعليم العالي بخطة التنمية الشاملة للدولة.
