طارق العريان عن نوعية الأعمال المفضلة له: بحب مناقشة العلاقات بأنواعها.. وبعتبر قوتي في المنطقة دي
كشف المخرج طارق العريان، نوعية الأعمال الفنية الأقرب لقلبه، مشيرًا إلى أنه يفضل قالب العلاقات في الأعمال، ومن ثم يستطيع تشكيله في أي نوعية من الأفلام سواء درامي أو رومانسي.
وقال طارق العريان خلال ندوته بالقاهرة 24: النوعية الأقرب لقبلي هي العلاقات، سواء علاقات رومانسية، أو علاقة درامية بين واحد وصاحبه، أو علاقة بين أخوات زي ولاد رزق، بحس العلاقات هي أقوى حاجة.
وتابع طارق العريان: وبعتبر قوتي في منطقة العلاقات مش الأكشن، إني أقعد أركز في تفاصيل العلاقات، ده اللي بحبه وده اللي أقدر أحطه في أي قالب سواء رومانسي أو درامي، وده لو مش موجود في الفيلم، مش هحس إني بعمل حاجة بتاعتي أنا.
كما أكد طارق العريان، على أنه تجمعه كيميا واضحة بينه وبين المؤلف صلاح الجهيني، بعد تعاونهما في أكثر من عمل فني، معلقًا: أنا وصلاح الجهيني بنتكلم لغة واحدة وفكرنا قريب جدا في السينما، فمفيش اختلاف في وجهات النظر غير حاجات بسيطة، وبرتاح في الشغل معاه.
طارق العريان: حوار فيلم السلم والثعبان كان ارتجالي
وسبق، تحدث طارق العريان، عن فيلمه الأنجح، السلم والثعبان مشيرا إلى أن حوار هذا العمل كان ارتجالي تمامًا، حيث قال: مبقاش في أفلام زي السلم والثعبان، عشان في المشاعر عايز حاجات حقيقية، وإلا مش هتوصل للمُشاهد، وحوار الفيلم كله كان ارتجالي، ومخلتوش مكتوب في السيناريو.
