جمال يوسف بعد تعافيه من المرض: ما بقتش انتظر حاجة من العبد
كشف الفنان جمال يوسف الدرس الذي تعمله خلال فترة إصابته بالسرطان، كما وجه نصيحة إلى جمهوره، مشيرًا إلى أنه يعتبر نفسه كان ميتًا وأحياه الله من جديد.
وقال جمال يوسف لـ القاهرة 24: أكتر حاجة اتعلمتها بعد فترة علاجي ومرضي أن ربنا كبير لو قال كن فيكون خلاص مهما تعمل، أنا كنت فاكر أني ميت وربنا حياني ووقفني على رجلي وبقيت أشرب بق المياه اللي اتحرمت منه 8 شهور، والواحد المفروض يصحى الصبح يحمد ربنا أن عينه فتحت وشاف النور والناس وأنه بيسمع وبياكل وبيتكلم لأن كلها نعم كتير جدا والحمد لله أن ربنا كبير ووقف معايا ورضاني الحمد لله يا رب.
وأضاف جمال يوسف: نصيحتي لأي إنسان بيمر بأزمة مرض أنه ما ينساش أن فيه رب وأن ربنا مش هيسيبك في أي حاجة، وارمي تكالك على الله في الآخر اللي ربنا عاوزه هيكون واوعى تفتكر أن عبد هيعمل لك حاجة كان عملها لنفسه، وأنا بعد موضوع تعبي مش بنتظر العبد أنا بسعى لكن في الآخر العبد محتاج هو كمان زيه زيك بظبط وربنا هو اللي مطلع على كل شيء وهو اللي خلقنا وهو ارحم الناس بينا من الناس اللي خلقها.
رحلة جمال يوسف مع السرطان
وأصيب جمال يوسف بسرطان البلعوم في أبريل عام 2020، وحدث تغييرًا كبيرًا في ملامحه حينها، وخضع في ذلك الوقت لـ 35 جلسة إشعاع مما أثر على البلع والأحبال الصوتية، وعانى من عدم القدرة على تناول الأطعمة ولكنه تعافى بعد فترة قصيرة من المرض.
آخر أعمال جمال يوسف
ويعد آخر أعمال جمال يوسف مشاركته في مسلسل حكايات جروب الماميز، مع الفنانين خالد سليم، دينا فؤاد، وليد فواز، انتصار، هبة عبد الغني، حجاج عبد العظيم، نورهان، أماني كمال، رباب ممتاز، وغيرهم إلى جانب عدد من الأطفال ودارت أحداث العمل في اطار اجتماعي لايت.
