بعد استخدامه في أحدث أغانيه.. هاني شاكر عن الذكاء الاصطناعي: مخاطرة غير محسوبة والأصل هو الأهم | فيديو
استخدام الفنان هاني شاكر الذكاء الاصطناعي - AI، في أحداث أغانيه والتي تم طرحها منذ قليل على جميع المنصات، وحملت الأغنية اسم قليل البخت.
وكشف هاني شاكر نقيب الموسيقيين السابق، رأيه في استخدام الذكاء الاصطناعي في الأعمال الغنائية، مؤكدا أن استخدام الذكاء الاصطناعي في الأعمال الغنائية مخاطرة غير محسوبة، موضحًا: الذكاء الاصطناعي من رأيي الشخصي سلاح ذو حدين ومن رأيي 3 حدود مش حدين كمان، ومخاطرة كبيرة ومش كل الأصوات اللي بتسمعها بالذكاء الاصطناعي تحس إنك مصدقها، في حاجات مش مقبولة ومش مستصاغة.
كما استنكر الفنان هاني شاكر، في تصريحات سابقة لـ القاهرة 24، استخدام صوت كوكب الشرق أم كلثوم بالذكاء الاصناعي، مشيرًا إلى أن الأصل هو الأهم، إذ قال: لما سمعت مقطع أم كلثوم لأ مش هي.. وفي فنانين تانية اتعملهم شغل بالذكاء ممكن تصدقهم، ودي مخاطرة غير محسوبة، والأصل والحقيقة هي الأهم.
أغنية بلاد البخت بالذكاء الاصطناعي
بلاد البخت من كلمات كريم حكيم وألحان مصطفي شكري وتوزيع ميدو مزيكا، وهي أول أغاني الفنان هاني شاكر بالذكاء الاصطناعي
كلمات أغنية بلاد البخت
قليل البخت لو سافر بلاد البخت هيرجع منها شايل نحس برضه في يخت ده إيده على الدهب تتحط يبقى تراب يخبّط عالحظوظ تقفل في وشه الباب في ناس حظوظ ف السما.. وناس حظوظهم تحت قليل البخت لو يطلعله 100 مارد فانوس الحظ من إيده يقوم مكسور يقول الحظ بكرة وكل شيء وارد يشوف أحلامه قطعت فجأة مياه ونور، قليل البخت امتى الدنيا تضحك ليه بقاله سنين واقف على بابها دور في طابور قليل البخت لو رايح بلاد الفرح وقالوا هناك شجر فرح وبيطرح طرح وقالوا هناك علاج كل اللي عاش محتار وناس صبحت قلوبها رماد وطفّوا النار هيرجع منها شايل ألف شجرة جرح قليل البخت لو يطلعله 100 مارد فانوس الحظ من إيده يقوم مكسور يقول الحظ بكرة وكل شيء وارد يشوف أحلامه قطعت فجأة مياه ونور قليل البخت إمتى الدنيا تضحك ليه ويرجع من بلاد البخت يوم مجبور.
