تُؤْتِي الْمُلْكَ مَن تَشَاء وَتَنزِعُ الْمُلْكَ مِمَّن تَشَاء.. السيسي يستعين بآية قرآنية خلال حديثه بمؤتمر حكاية وطن
قال الرئيس عبد الفتاح السيسي، رئيس الجمهورية، إن الأمة لا تبنى إلا على الإصلاح وليس الخراب أو الإساءة أو الهدم أو الظلم، وأضاف: لما أنا أقول على عمل واحد مسؤول إنه فاسد أو غير مسؤول فأنا كدة بظلم جهده وعمله وبحط على عمله ومجهوده التراب.
وأوضح السيسي خلال مؤتمر حكاية وطن: علشان كدة قولت في بداية الكلام عملنا حكاية وطن ومعانا ناس سياسيين هتقول يا راجل هو انتم عندكم فرصة في الانتخابات اللي جاية؟ شوفوا بقى بيقول الله تعالى بسم الله الرحمن الرحيم: قُلِ اللَّهُمَّ مَالِكَ الْمُلْكِ تُؤْتِي الْمُلْكَ مَن تَشَاء وَتَنزِعُ الْمُلْكَ مِمَّن تَشَاء وَتُعِزُّ مَن تَشَاء وَتُذِلُّ مَن تَشَاء بِيَدِكَ الْخَيْرُ إِنَّكَ عَلَىَ كُلِّ شَيْءٍ قَدِيرٌ (سورة آل عمران الآية 26)
على جانب آخر، قال الرئيس عبد الفتاح السيسي، رئيس الجمهورية، إن الدولة المصرية واجهت العديد من التحديات منذ عام 2011 حتى الآن، مضيفا: لازم تعرفوا يعني إيه دولة وكانت بتواجه تحديدات كبيرة، التحديات دي كانت كفيلة إنها تنهي دول زي ما أنهت دول لغاية دلوقتي موقفتش على حالها.
وأردف الرئيس السيسي أثناء دخوله لقاعة احتفالية حكاية وطن المنعقد بالعاصمة الإدارية الجديدة: “أنا بكرر الكلام ده كتير، والناس بتقولي بتكرر الكلام كتير ليه، بكرره للتذكرة، عشان قدام ربنا أقوله قولت وبدل المرة 100 مرة، البلاد مبتعيش وتكبر وتنمو كده، تكبر بأمل وإخلاص وأمانة وتضحية، مش بالكلام”
