السيسي لـ المصريين: أنا أخوكم ويهمني تكونوا في حته تانية
وجه الرئيس عبد الفتاح السيسي، رئيس الجمهورية، حديثه إلى المصريين، قائلًا: أنا أخوكم ويهمني تكونوا في حته تانية.
وجاء ذلك خلال حديثه في عدد من الأمور والمجالات، في مؤتمر حكاية وطن، المنعقد اليوم السبت بحضور العديد من الوزراء.
مؤتمر حكاية وطن
وأضاف السيسي: أوعى تفتكروا إني جاي أقدم نفسي ليكم، ده لا يليق، إحنا بنجدد دولة.. والدولة من سنة 80 لدلوقتي عندها ديون، وأنا بكلم المواطن البسيط، دخل مصر مش قد مصروف مصر، وإحنا لحد سنة 70 مكنش عندنا ديون، ولكن تداعيات الحرب فرضت على مصر إن الدولة تجيب موارد بالدين سنة 73، الواقع بدأ يتغير من سنة 70 لبعد كده والقلة والعوز مش مشكلة المشكلة إنك تقبله.
واستكمل السيسي متحدثًا عن أزمة الكثافة السكنية، قائلًا: خسرنا من 2014 حتى الآن 450 مليار دولار وكأن الـ 450 مليار دولار لما تخسرهم ملهمش تأثير، كل أزمة بتتعمل وهتتعمل هيكون ليهم تداعيات.. أوعى تفتكر من 2011 لـ 2014 دول حد ادهملنا.. لأ الدولة بتدفع من لحم الحي وأنت كمواطن عاوز تعيش وعاوز تربي ولادك وده حقك وإحنا معاك.
ووصل الرئيس عبد الفتاح السيسي رئيس الجمهورية، صباح اليوم، مقر انعقاد مؤتمر حكاية وطن، والمنعقد الآن بالعاصمة الإدارية الجديدة.
كما حرص رئيس الجمهورية، على الترحيب بحضور مؤتمر حكاية وطن، بقوله: بنرحب بكم جميعًا، وسعداء بوجودكم، النهاردة وبكرة وبعده، إن شاء الله هنحكي حكاية بلدنا، وكان فيه حوار وطني أطلقنا السنة اللي فاتت عشان نسمع لبعض.
