السيسي: تكلفة المعاشات حوالي 45 تريليون جنيه حتى 2050.. سيتم دفعها من ميزانية الدولة
قال الرئيس عبدالفتاح السيسي، إن تكلفة المعاشات حوالي 45 ترليون جنيه حتى عام 2050 سيتم دفعها من ميزانية الدولة، متابعًا: إحنا بنصلح مسار صعب قوي، مسار الدول المتخلفة، مسار سياسات الدول اللي بتستهدف الاستمرار.
وأضاف الرئيس السيسي خلال كلمته منذ قليل بجلسات مؤتمر حكاية وطن بين الرؤية والإنجاز: اللي عنده أسرة فيها 2 أو 3 بيتحمل وبيعاني، عشان يربيه ويعلمه، وإحنا عايزين نبني دولة.
وتابع الرئيس السيسي: كل ما هتصمدوا كل ما هتعدي، وزي ما عدت أزمة الكوفيد، الأزمة دي هتعدي، ووقت كورونا قلت إحنا منقدرش نقفل بيت 5 مليون أسرة.
واستطرد الرئيس السيسي: تأثير القضية السكانية بجد خطير، وفي فقرة الدكتور مصطفى قال المجاعة بتاعة دولة معينة، المجاعة دي مات فيها 25 مليون، وعملوا برنامج ضبط النمو السكاني، وبعد كدة أطلقوا النمو السكاني، وحاليا هي بقت دولة عظمى، إوعوا تفتكروا لما دولة يموت منها 25 مليون من قلة الأكل، قاموا يبنوها وبقت دولة عظمى وده الدرس اللي يتعمل وده الفيلم اللي يتعمل، عشان الناس تعرف يعني إيه دولة.
