السيسي للوزراء: كنت أتمنى مساهمتكم ومشاركتكم بالحوار الوطني تكون كتير عشان نسمع بعض
تحدث الرئيس عبد الفتاح السيسي، رئيس الجمهورية، بشأن مشاركة الوزراء خلال الفترة الماضية في جلسات الحوار الوطني.
جلسات مؤتمر حكاية وطن بين الرؤية والإنجاز
وقال الرئيس عبد الفتاح السيسي، خلال كلمته منذ قليل في جلسات مؤتمر حكاية وطن بين الرؤية والإنجاز: أنا اتصور إنكم محتاجين تتكلموا كتير مع الناس، وكان فيه الحوار الوطني كنت أتمنى مساهمتكم ومشاركتكم فيه تكون كتير، وليهم زملاء كانوا بيقولوا كلام مهم جدًا، زي الدكتور أحمد جلال واللي حط حلول للأزمة.. وده هدف الحوار الوطني إننا نسمع بعض ونناقش بعض.
وأضاف الرئيس السيسي: مفيش بلاد بتطلع قدام غير بالاستقرار والأمن وأي حد جاهل أو أحمق اللي يقولكم يمكن يعمل بطريقة غير الاستقرار.. أنتم عنيكم على استقرار البلد وبس مين يمسكها مفيش مشكلة.. اسمعوا كلامي لو سمحتم أنا واحد منكم وأخوكم طول ما البلد مستقرة ممكن تطلع قدام.
وأكمل الرئيس: خسرنا من 2014 حتى الآن 450 مليار دولار وكأن الـ 450 مليار دولار لما تخسرهم ملهمش تأثير.. كل أزمة بتتعمل وهتتعمل هيكون ليها تداعيات أوعى تفتكر من 2011 لـ 2014 دول حد ادهملنا، لأ الدولة بتدفع من لحم الحي وأنت كمواطن عاوز تعيش وعاوز تربي ولادك وده حقك وإحنا معاك.
