السيسي: في 2014 و2015 لم تكن البنية الأساسية للدولة جاهزة للبدء بالقطاع الصناعي
علق الرئيس عبد الفتاح السيسي رئيس الجمهورية، على رؤى البعض بضرورة وضع القطاع الصناعي في صدارة الأولويات منذ البداية، قائلا: كان البعض يرى أن الأولويات البدء في القطاع الصناعي أولا، لكن هل كانت الدولة في ذلك الوقت تعمل ده أم لا؟ أنا بقول في 2014 و2015 لم تكن الدولة جاهزة وكان يجب تجهيز الدولة كبنية أساسية لإطلاق تنمية صناعية تصبح الأمل بالنسبة لنا.
جلسات مؤتمر حكاية وطن
وأضاف الرئيس السيسي، خلال كلمته بجلسات مؤتمر حكاية وطن: خصصنا على مدار الأعوام الماضية 30 مليون متر أراض صناعية للمستثمرين ونسبة الإنجازات بها 10%.
وأوضح الرئيس السيسي: نعمل على تقارب الإيرادات والمصروفات من خلال دعم قطاع الصناعة.
وأوضح الرئيس السيسي: أنا أتصور أنكم محتاجين تتكلموا كتير مع الناس، وكان فيه الحوار الوطني كنت أتمنى مساهمتكم ومشاركتكم فيه تكون كتير، وليهم زملاء كانوا بيقولوا كلام مهم جدًا، زي الدكتور أحمد جلال واللي حط حلول للأزمة.. وده هدف الحوار الوطني إننا نسمع بعض ونناقش بعض.
وتابع: مفيش بلاد بتطلع قدام غير بالاستقرار والأمن وأي حد جاهل أو أحمق اللي يقولكم يمكن يعمل بطريقة غير الاستقرار.. أنتم عينيكم على استقرار البلد وبس مين يمسكها مفيش مشكلة.. اسمعوا كلامي لو سمحتم أنا واحد منكم وأخوكم طول ما البلد مستقرة ممكن تطلع قدام.
