السيسي: مشروع توشكى يحتاج 10 مليارات جنيه للتغذية الكهربائية فقط
قال الرئيس عبد الفتاح السيسي رئيس الجمهورية، مشروع توشكى يحتاج 10 مليارات جنيه للتغذية الكهربائية فقط، مضيفا أن استصلاح نحو 4 ملايين فدان يحتاج بنية تحتية من الكهرباء بنحو 60 مليار جنيه.
السيسي: المشروعات المختلفة تحتاج إلى حجم كبير من الطاقة
وأضاف الرئيس السيسي، خلال جلسة الطاقة ضمن جلسات مؤتمر حكاية وطن، أن المشروعات المختلفة تحتاج إلى حجم كبير من الطاقة والكهرباء.
كما أوضح: ندرس مشروعات محتملة بحجم مليون فدان وتحتاج إلى شبكة كهرباء داخلية.
وتابع: من فضلكم بصوا كويس أوي على المشروعات القومية اللي دكتور شاكر بيقولها، بيتكلم عن كل المشروعات اللي قدامكم دي مشروعات إنتاج زراعي، شوفوا عاوزة كام كهرباء، الكهرباء مش إنتاج دلوقتي، انت بتتكلم في توشكى عاوز 10 مليارات، دا من غير مشروعات أخرى محتملة، مش عاوز أخلي الدكتور شاكر يقلق، في مشروعات أخرى محتملة لمليون فدان أخرى إحنا بندرسهم دلوقتي، واحنا محتاجين نوصل لهم.
وأضاف الرئيس السيسي: بتتكلم في 65 مليار جنيه لنقل وتوزيع الكهرباء للأربع مشاريع دول، كلهم مشاريع استصلاح زراعي، بنتكلم في 3.5 لـ4 ملايين فدان، عشان تخليهم ينتجوا إنتاج ويخش في الاقتصاد المصري، ويقلل حجم الاستيراد من المنتجات الزراعية بتتكلم في كهربتهم بس تقريبا 60 مليار جنيه، عشان توصل لهم كهرباء، أنا عارف وزير الزراعة له عرض هيتكلم في الموضوع دا أيضا، دا فقط في الكهرباء، عشان اللي قاله الدكتور مصطفى الصبح قال المية بنحركها ضد الجاذبية وضد الانحدار الطبيعي، ومكنش في فرصة إن احنا نتكلم فيها، لكن نتكلم فيها أكتر أثناء عرض وزارة الزراعة.
