إلهام شاهين: اخترت ما كنش أم ومش ندمانة أني أجهضت نفسي.. وعاوزة أعيش حرة ولفني
تحدثت الفنانة إلهام شاهين عن فقدانها للأمومة وتأثير ذلك عليها، إلى جانب رأيها في زواج المسلمة من رجل على غير ديانتها.
وقالت إلهام شاهين في لقاء تلفزيوني، إنها راضية جدًا عن قرارها بعدم الإنجاب، معقبة: راضية جدًا أني ما خلفتش، أنا مش قد المسؤولية وكفاياني مسؤوليات وعاوزة أعيش حرة وأعيش لفني لأن الفن بياخد وقتنا كله وأحيانا بنشتغل 20 ساعة.. امتى الواحدة تمارس أمومتها وتاخد بالها على أولادها، لازم يكون فيه اختيار ومفيش حد بياخد كل حاجة من الدنيا، ومش ندمانة أني أجهضت مرتين.
وأضافت إلهام شاهين: الأمومة عطاء وتضحية، وهذه الأمومة ممكن أمارسها مع أخواتي وولاد أخواتي وأصحابي المقربين.
إلهام شاهين: ممكن أتجوز زواج مدني من رجل على دين آخر
وعن رأيها أن زواج المسلمة من رجل على غير ديانتها يعتبر باطلا في الدين الإسلامي، قالت إلهام شاهين: لو عقلي وافق ممكن أتجوز جواز مدني.. وبما أن مفيش في مصر جواز مدني ممكن أسافر بره مصر.. ولو هما مش بيعترفوا بالأطفال من الجواز المدني أنا كده كده في سن مش هخلف فإيه اللي يضر.. بس ده في حالة لو حبيت الحب اللي يخليني ما أقدرش أبعد عن هذا الرجل.. لكن لو أنا صغيرة ما كنتش هوافق.
