إلهام شاهين: أنا عروسة السينما.. وأفلامي هي أولادي
تحدثت الفنانة إلهام شاهين عن تكريمها في مهرجان الإسكندرية السينمائي لدول البحر المتوسط، قائلة: حاسة أني عروسة وصاحبة الفرح.
وقالت إلهام شاهين خلال تكريمها في المهرجان: مش عارفة أعبر عن سعادتي قد ايه النهاردة إحساس جميل جدًا.. وكل مهرجان سينما بيتعمل هو عرس للسينما.
وأضافت إلهام شاهين: وأنا النهاردة حاسه أني عروسة وصاحبة الفرح.. وبرحب بكل ضيوف الفرح وكل المعازيم، وبرحب بكل زمايلي وأساتذتي من الفنانين، وبقول للمكرمين كلهم ألف مبروك وبتمنى للكل التوفيق.
واستكملت إلهام حديثها: السينما والفن دول أحلى حاجة في الدنيا.. يعني الفن أجمل حاجة في حياتي واداني كل حاجة حلوة في حياتي المكانة والقيمة والثقة في الناس، وأفلامي هي أولادي وحبكم اللي هو أعظم نعمة وأكبر حاجة ممكن الإنسان يحصل عليها، أنا بشكركم من كل قلبي وكل جمهوري واللي شجعني طول عمري ووقف معايا دايما.
واختتمت حديثها: وبشكر أسرتي اللي بحبهم اوي واللي اتحملوا كتير عشاني احنا حياتنا مش سهلة مليئة بالمتاعب والصراعات.
ويكرم المهرجان مجموعة من النجوم، أبرزهم: حنان مطاوع، وخالد زكي من مصر، ومن اليونان المخرج اليوناني من أصل مصري كوستاس فيرس، والنجمة الفرنسية كارولين سيلول، ومن عمان خالد الزدجالي، والمنتج الفرنسي جون لوليفي.
