السيسي لـ الوزراء: محتاجين الإعلام يغطي إحنا مبنتكلمش على شغلنا رغم إن القنوات بتقدم طبخ كل يوم
قال الرئيس عبدالفتاح السيسي، إن التغطية الإعلامية لأي مشروع أمر مهم جدا حتى تعرفه الناس.
وأضاف خلال استعراض إنجازات وزارتي التموين والري خلال السنوات الماضية، بمؤتمر حكاية وطن، مساء الأحد: الناس بتتفاجأ إن الحاجة بتتعمل، وحد ممكن يقول كلمة بحسن نية بس غلط، ومش هقول سيئ النية ولا حاجة ولا يقصد يسيء للمشروع أو يتهم حد، لكن على قد عقله ميفهمش في الشغلانة اللي بنتكلم فيها.
وأكمل: الناس متعرفش ولما حد يقول كلمة غلط على مواقع التواصل، الناس بتاخدها ومش عايز أقول إن دا قصور، لكن إحنا مبنتكلمش على شغلنا رغم إن القنوات بتقدم طبخ كل يوم، وأنا آسف إني بقول كده.
وتابع: كل يوم القنوات بتقدم أكل، طب اطلعوا اتكلموا عن الشغل المبذول في هذه المشروعات.
ووجه الوزارة بتقديم عملها للقنوات الفضائية لاستعراض المشروعات التي تنفذها الوزارة سواء عبر القنوات الخاصة أو التلفزيون المصري، قائلا: لو الناس تعرف مش هتهاجم لأنها عرفت، والناس دايما بتتعامل مع الموضوع اللي متعرفوش.
