أمير شاهين: إلهام شاهين هي أمي اللي ربتني.. ومشاركتنا في ألفريدو جات بالصدفة
تحدث الفنان أمير شاهين عن مشاركته في حكاية ألفريدو الذي يعرض حاليًا، كما أعرب عن سعادته بالتعاون مع شقيقته الفنانة إلهام شاهين، والذي يعتبرها والدته التي ربته.
وقال أمير شاهين خلال لقائه مع القاهرة 24، على هامش حفل افتتاح مهرجان الإسكندرية السينمائي: إلهام شاهين هي أمي اللي ربتني واكتسبت منها حاجات كتير زي حب الشغلانة والالتزام بالشغل، ومكناش مخططين نشتغل مع بعض في حكاية ألفريدو، إحنا أصلا بقالنا أكتر من عشر سنين مشتغلناش مع بعض.
وتابع أمير شاهين: فـ مشاركتنا في ألفريدو جت بالصدفة البحتة، كل واحد عرف لوحده إن إحنا مع بعض، وسعيد جدا طبعا إني بقف قدامها بعد سنين كتير، ودوري في ألفريدو كان صعب جدًا عليا إني أعمل في إلهام كدة.
أمير شاهين: لسة قدامي حاجات كتير أقدمها
وأضاف أمير شاهين: بس طبعا في الشغل مش بتعامل معاها كـ إلهام، بتعامل معاها كـ صفية وهي بتتعامل معايا كـ مصطفى، بفصل تمامًا ومش بيكون أمير اللي بيتكلم قدام الكاميرا، وأنا عمومًا قدامي لسة حاجات كتير عايز أقدمها، وأنا الحقيقة بحب أعمل كل حاجة، ومؤخرًا عملت فيلم مستر إكس وكان كوميدي وده لون جديد، ودلوقتي مصطفى الشرير ده لون تاني.
مسلسل ألفريدو
تعرض حاليًا حكاية ألفريدو، على شبكة قنوات on، وهي إحدى حكايات مسلسل 55 مشكلة حب، ويشارك في بطولتها عدد من الفنانين، من بنيهم الفنان أحمد فهمي، ندى موسى، أمير شاهين، أحمد فريد، فتوح أحمد، عابد عنان، وغيرهم، والعمل من إخراج عصام نصار.
