عمرو أديب: ما قاله الرئيس في خطاب ترشحه اليوم هو تعهد بانتخابات حرة ونزيهة
أشاد الإعلامي عمرو أديب، بكلمة الرئيس عبد الفتاح السيسي رئيس الجمهورية، خلال الجلسة الختامية لمؤتمر حكاية وطن.
وقال عمرو أديب، خلال تقديمه برنامج الحكاية، أن ما قاله الرئيس في خطاب ترشحه اليوم هو تعهد بانتخابات حرة ونزيهة، وأن حديثه عن دور الإعلام تناول جهود الدولة، قائلا: احنا داخلين الانتخابات في ظل الثقافة مصرية راسخة.. وأجهزة الدولة بتتعامل أن رئيس الجمهورية لازم يتوفر له كل الدعم.. وأرجو أن اللي بيقوله الرئيس يترجم على الأرض.
عمرو أديب: الرئيس قال للوزراء قولوا للناس أيه المشكل
وأضاف خلال تقديمه برنامج الحكاية: لما تسألني في حكاية وطن أيه الشيء اللي كان ممكن يتناوله المؤتمر هي السياسية والأحزاب.. وعارف أن الأولوية للتعليم.. والرئيس قال للوزراء قولوا للناس أيه المشكل.. واتكلم أن الإعلام مش بيقوم بدوره وأنه بيهتم بالطبخ.
وأكمل: سيادة الرئيس أحنا محتاجين نعرف نتكلم.. واحنا احترمنا أن البلد في ظروف مش ناقصة.. الإعلام معندهوش الفرصة لأسباب مختلفة اتفهمها.. لو عايز إعلام كويس سيب الإعلام يشتغل والناس تقول.. أناشدك في الـ 6 سنوات المقبلة أن يكون هناك مجال للحديث.. هناك كتاب في بعض الأحيان الكثيرة يتم منع مقالاتهم.
وواصل: أنا بستغل الفرصة اللي الريس اتاحها النهاردة.. في زمن عبد الناصر كان في صحفي واحد.. أنا دلوقتي بشتغل وسط ألف.. واحنا لم نسئ للآخرين بل كنا بنرد على الناس اللي بتسيء لمصر.. سيادة الرئيس اعطنا الفرصة الفترة اللي جايه.. احنا بنتكلم عن 20 برنامج توك شو من 5 مساءً للواحدة صباحا.
وتابع: على بلاطة كده الإسرائيليين مش أحسن مننا، ناس تذهاب وتدلي بصوتها، والرئيس قالها النهاردة لو في الخير ربنا يوفقني ولو غيري فيه الخير ربنا يوفقه.
