أحمد حلمي: ملحقتش أشبع من أبويا.. واللي مش مميز في حاجة لازم يكون عنده الرضا
تحدث الفنان أحمد حلمي عن ذكرياته مع والده ورحلته في المرض، بجانب رأيه في مفهوم الرضا والطموح بالنسبة له، موضحا: اللي معندوش حاجة مميز فيها لازم يكون عنده الرضا.
وقال أحمد حلمي خلال برنامج AB TALKS: أبويا مات وملحقتش أشبع منه.. وأبويا ليه فضل كبير في صفاتي، وكان فيه حرية بالتربية مكنش في شكل تربية بالمعتاد.
وأضاف أحمد حلمي: ملحقتش أخطف من وقت أبويا كتير.. وأحب الزمن يرجع تاني عشان اشوفه بيوحشني جدًا، بحلم بيه كتير جدًا، وفلوس أبويا راحت في شركات توظيف الأموال.
أحمد حلمي: كنت زمان بهرب من الخروجات عشان المنيو بالإنجليزي.. والمتنمر هو الأضعف دايما
وعن طفولته وذكرياته مع أصدقائه، أوضح حلمي: كنت زمان بهرب من خروجات عشان منيو الأكل كان بالإنجليزي، وبحمد ربنا أن ده مقلبش معايا بحقد، ولما عملت برنامج الأطفال حسيت أني بعرف أعمل حاجة.. وأدتني شوية ثقة أني بعرف أعمل حاجة.
وحول رأيه بشأن مفهوم الرضا، رد حلمي: اللي معندوش حاجة مميز فيها لازم يكون عنده الرضا.. الرضا باللي أنت فيه عشان تكون أحسن، وأنك مخلوق عشان تبقى مفيد وتعمل حاجة.. والمتنمر هو الأضعف دائما.
آخر أعمال أحمد حلمي
في سياق آخر، بدأ أحمد حلمي تحضيرات فيلم لسه حته، والذي تأجل أكثر من مره لأسباب غير معروفة، والعمل من تأليف شريف نجيب، وإخراج أحمد علاء الديب، وجاري التعاقد مع باقي أبطال العمل.
