صلاح عبد الله: عائلة السبكي أنقذت السينما في وقت من الأوقات
استنكر الفنان صلاح عبد الله والفنانة إسعاد يونس، الهجوم على المنتجين محمد وأحمد السبكي، مؤكدين أنهما أنقذا السينما في وقت من الأوقات.
وقال الفنان صلاح عبد الله، في لقائه مع الفنانة إسعاد يونس، ببرنامجها صاحبة السعادة، والمذاع عبر شاشة قناة DMC، إن شركات السبكي للإنتاج الفني أنقذت السينما في وقت من الأوقات، متابعًا: حد مثقف وواعي قالي إن عائلة السبكي في يوم من الأيام أنقذوا السينما، هما اللي كانوا بينتجوا وبيشتغلوا، يعني فيه عمال وممثلين وكتاب ومخرجين ودار عرض، كل ده بيشتغل.
وصدقت على كلامه الفنانة إسعاد يونس، قائلة: مش محتاجة مثقف أيام كورونا محدش كان بيشتغل غيرهم، واللي ينكر ده يبقى جاحد، أنا من أصحاب دور العرض كلنا عيش من السبكية.
صلاح عبد الله يستنكر من الحملات الإلكترونية على السوشيال ميديا
في سياق آخر، استنكر الفنان صلاح عبد الله، الحملات الإلكترونية الهجومية على السوشيال ميديا، مؤكدًا أنه اكتسب خبرة في التعامل مع السوشيال ميديا، وأشار إلى أنه يتناقش مع أي شخص طالما ينتقد باحترام، مضيفًا: اللجان دي مش لجان سياسية بس، لا فيه لجان رياضية وفنية، ودي حاجة خطيرة، أنا بكتب حاجة معينة وبيدخل حد يعلق تعليق سخيف، لما يعمل كدا خش على بروفايله وبعرف هو حقيقي ولا لجان.
وتابع صلاح عبد الله: السوشيال ميديا ممكن تحبط ناس، وأي حد بيناقشني بأدب واحترام عادي، إنما بالتطاول بعرف أن ده عايز يكرهني في السوشيال ميديا، وهي عايزة وعي، وفي شباب كتير جدا موهوبين وبيعملوا الفيديوهات لذيذة جدا، وفي شعراء وأدباء واللي بيعملوا ستاند أب كوميدي وفي حاجات كتيرة مفيدة.
