مراد مكرم عن المنافسة في السينما: أنا راجل بتاع فن ومليش دعوة بحسابات السوق
تحدث الفنان مراد مكرم عن مشاركته في فيلم حسن المصري بطولة الفنان أحمد حاتم، الذي بدأ عرضه أمس بدور السينما، مشيرًا إلى أنه يقدم دور رجل أعمال يقوم بأعمال مشبوهة.
وأضاف مراد مكرم خلال لقائه مع القاهرة 24: بشتغل مع صحابي وناس محترفة جدا كشركة إنتاج الكواليس جميلة جدا، والفيلم أكشن وفيه جزء كبير مشاعر.
وأردف عن تعاونه مع أحمد حاتم: أنا وحاتم أصدقاء من 2016 واشتغلنا مع بعض في مسلسل فوق مستوى الشبهات وبجانب فيلم حسن المصري، وفيه تعاون تاني في مسلسل قصة الأيام الأخيرة وهو اسم مؤقت، وبشكل عام أنا بحبه جدًا وبحب الشغل معاه.
وعن رأيه في مشاركته بالسينما قال: مليش في الكلام ده، أنا راجل بتاع فن لما يجي دور حلو بعصر دماغي وكل مشاعري وأطلعه، ولكن ماليش علاقة بحسابات السوق ونمبر وان والكلام ده مليش فيه، أنا الدور بالنسبة لي رد فعل الناس لو حلو والمنتج اتبسط هيجيبني في أفلام تانية الموضوع أبسط من كده بكتير، وأنا مش بقيم نفسي، أنا بقيم نفسي كممثل وبشتغل وبس والحسبة دي مش بفهم فيها خالص.
فيلم حسن المصري
ويشار إلى أن حسن المصري من بطولة أحمد حاتم ومراد مكرم، لينا صوفيا، دياموند بو عبود، مراد مكرم، فريال يوسف، والفيلم قصة نورا لبيب، سيناريو وحوار سمر طاهر ومن إخراج سمير حبشي.
