محمد علي رزق: خطواتي في الفن بطيئة لكن ثابتة.. وانتقادات الجمهور على راسي
كشف الفنان محمد علي رزق تفاصيل فيلمه الجديد الذي يحمل اسم درويلة، بجانب الحديث عن مشواره الفني، ومدى رضاه عن أعماله الفنية.
وقال محمد علي رزق خلال لقائه مع القاهرة 24: فيلم الدرويلة إن شاء الله يعجب الجمهور والفيلم إخراج معوض إسماعيل وتأليف محمد دياسطي وعبد الرحمن، وهي فكرة جديدة يا رب تعجب الجمهور، والدرويلة هي العالم الموازي.
وأكد محمد علي رزق، أنه راضٍ عن مشواره الفني، قائلًا: الحمدلله على كل شئ أنا ممكن خطواتي الفنية ضعيفة بعض الشيء لكن كل شيء بميعاد وأنا شايف أن خطواتي بسيطة وبطيئة لكن ثابتة أحسن ما تكون خطوات سريعة ومش كويسة.
أما عن الشخصية التي يتمنى تجسيدها في عمل فني، فعلق محمد علي رزق، قائلًا: مفيش حاجة معينة عايز أعمل أي دور يكون حلو ويعجب الناس.
محمد علي رزق: مش هعتزل الفن إلا لو مش قادر أمثل
وأكد محمد علي رزق، إنه لن يترك الفن مطلقًا حيث قال: أنا أعتقد والله أعلم أني مش هعتزل الفن إلا لو أنا صحيًا مش قادر أمثل تاني، لأن أنا بحب التمثيل ومبعرفش أعمل حاجة غير أن أنا أمثل فا أعتقد أني مش هعتزل الفن.
كما علق الفنان محمد علي رزق، على انتقادات الجمهور خلال الفترة الماضية، قائلًا: كل واحد ليه رأي غير التاني والفن وجهة نظر وأنا بوعد الناس اللي مش شايفة أني كويس إني هبقى أحسن، والناس اللي شايفني كويس أوعدكم إني هبقى أحسن وأحسن ولو حد شايفني وحش أتمنى أنك في يوم تشوفني حلو.
