غادة عبد الرازق: بتعالج نفسيًا من 30 سنة.. وقلت لدكتور أنت محتاج حد يعالجك
كشفت الفنانة غادة عبد الرازق، تفاصيل تجربة سابقة لها مع طبيب نفسي، موضحة أنها كانت ستقدم على قتل نفسها في وقت من الأوقات، مؤكدة أنها لم تستطع تغيير طبيبها النفسي الخاص الذي يعمل على علاجها منذ 30 عامًا.
وقالت غادة عبد الرازق في لقائها مع الإعلامية غادة عبد الرازق في برنامجها معكم، المذاع عبر شاشة قناة ON: أنا مريت بالتجربة دي مرتين، رحت لدكتور كبير جدًا اسمه عظيم وقولتله وأنا ماشية أنت محتاج حد يعالجك، هو كبير في السن دخلت لاقيته بيلف بالكرسي قولت يمكن حاجة وقعت منه ومستنية إنه يقولي اقعدي، وبحكي له وأنا بكلمه بيلعب في كل حاجة حواليه، ومكنش في أي اتزان، في الآخر قولتله أنا هعمل إيه؟ قالي إنتي هتاخدي الأدوية دي شهر وتجيلي، وأنا خارجة لاقيته بيلف بالكرسي تاني وكنت مغلولة منه.
وتابعت: يومها خدت الأدوية واتنكست، والساعة 2 بالليل كنت هعمل جريمة قتل في نفسي، كنت بترعش وجابولي الدكتور بتاعي، وقالهم متستخفوش بالموضوع ده لأن الأدوية دي بتأثر على المخ.
وأضافت غادة عبد الرازق: أنا لازم أتكلم مع حد يا إما هتجنن لازم حد يسمعني، الدكتور ده بيوصل لحاجات مخزونات ممكن نتكسف نحكيها لأقرب الناس لينا، والدكتور بتاعي اللي من 30 سنة هو اللي معايا دلوقتي، وباخد أدوية نفسية من 30 سنة وبقول الحمد لله.
غادة عبد الرازق
وعلى جانب آخر، تعتبر حكاية تحت الحزام من مسلسل حدث بالفعل، هي آخر أعمال الفنانة غادة عبد الرازق، وهي مأخوذة عن قصة حقيقية نقلًا عن مصادر ووثائق نفسية معتمدة، وهي من تأليف فادي النجار، وإخراج هشام الرشيدي.
