المايسترو هاني فرحات: حفلات الفنانين المصريين مكسرة الدنيا في البلاد العربية.. اللي ملوش منافس بيخترعله
أكد المايسترو هاني فرحات، على أن حفلات الفنانين المصريين مكتسحة بشكل كبير في جميع البلاد العربية، ويحتفي بهم جميع العرب ويقدروهم.
وقال هاني فرحات خلال لقائه مع القاهرة 24، على هامش المؤتمر الصحفي المقام للدورة 32 من مهرجان الموسيقى العربية، وقال: حاجة تفرح وتخليك فخور لما تشوف عند البلاد العربية التطور العظيم والحركة الثقافية ودي حاجة تفرح.
وأضاف هاني فرحات: اللي ملوش منافس بيخترعله منافس وأنت الأصل ومحصلش حاجة تخليك تقلق على كدة، لأن في الآخر الفنانين المصريين الناس بيحتفوا بيهم وحفلاتهم مكسرة الدنيا في كل البلاد العربية، وبالعكس فخورين بالتطور وبالحكرة الثقافية اللي بتحصل وأرجع وأقول لو ملناش منافس نشوفلنا منافس.
المؤتمر الصحفي لمهرجان الموسيقى العربية
أقيم اليوم المؤتمر الصحفي لمهرجان الموسيقى العربية في دورته الـ 39، وذلك في دار الأوبرا المصرية، بحضور رئيسها خالد داغر، وهاني فرحات، والذي كشف خلال المؤتمر الصعوبات التي واجهتهم أثناء تنفيذ المهرجان، وقال خلال المؤتمر: الظروف صعبة على العالم كله، وإحنا بنعمل الدورة دي في أصعب ظروف في دورات مهرجان الموسيقى العربية اتعملت في التاريخ.
وتابع هاني فرحات: وشكرًا على كل التنازلات العظيمة اللي تنازلوا عنها الفنانين في الخارج والداخل في سبيل أنهم يغنوا بمصر، وفي المهرجان بنحاول نرضي كل الأذواق والناس، وشخصية المهرجان سيد درويش معمول له مسرحية لأول مرة تتعرض.
