ضربتني وطردتني من شقتي.. مسنة تستغيث من جحود ابنتها بالبحيرة
شهدت مدينة دمنهور عاصمة محافظة البحيرة، واقعة مأساوية، حيث تجردت ربة منزل من كل مشاعر الإنسانية والبر بالوالدين التي أوصى بها المولى عز وجل في كتابه الكريم، والعديد من الأحاديث النبوية التي توضح فضل طاعة الوالدين.
مسنة تستغيث من جحود ابنتها بالبحيرة: ضربتني وطردتني من شقتي
تقول فايزة شاكر، 76 عاما، مقيمة مدينة دمنهور بمحافظة البحيرة، خلال لقائها مع "القاهرة 24"، إنها جلبت ابنتها للعيش معها وزوج ابنتها، وذلك من أجل مساعدة ابنتها في تربية أولادها، مضيفة: كنت بخدمها وشايلاها.
وتابعت قائلة: كنت أبقى نايمة تصحيني من النوم وتقولي قومي هاتي حاجة من البقال اللي تحت، وأجيب بسكويت لابنها، وكان الجو بيبقى برد، وكنت بسمع كلامها وأقوم أنزل.
وأضافت قائلة: ضربتني وأهانتني وطردتني من شقتي وبقولها دي شقتي قالتلي شقة أي روحي شوفي قبر يلمك الشقة دي شقة ابني، وكنت بشتريلها كل حاجة هي وزوجها من فلوسي ومكنتش بخليها تجيب حاجة.
وأشارت الأم إلى أن ابنتها الكبيرة طردتها من شقتها وهي حاليا تعيش في منزل نجلها، مضيفة: ساعدتها بشقتي علشان تسكن فيها هي وزوجها علشان مكانش معاهم فلوس يشتروا شقة، وكل أما أجي أطلبها منها تقولي ملكيش عندي شقق روحي شوفيلك تربة.
واستكملت الأم: أنا اللي بنيت البيت دا وشيلت الطوب بتاعه على كتافي علشان أساعد زوجي، وهي جاية تستولى عليه هي وزوجها، ربيتهم بعد وفاة زوجي وفنيت عمري علشانهم، والناس كانت بتقولي اتجوزي لكن رفضت علشان أربي ولادي، وفي الاخر ضربتني وطردتنى من شقتي.
