غالية بنعلي: غنائي لأم كلثوم أسهل من الغناء لأحمد عدوية | فيديو
تحدثت الفنانة غالية بنعلي عن غنائها للفنانة أم كلثوم والفنان أحمد عدوية، بجانب رأيها في صوت الفنانة الشابة مريم صالح، معلقة: مريم صالح بتفكرني بصوت الشيخ إمام.
وقالت غالية بنعلي خلال حوارها مع القاهرة 24: في حد طلب مني في حفلة أغني لأحمد عدوية.. قولتله أغني لأم كلثوم أسهل لأن صوتها واضح، لكن عدوية شعبي لازم أكون عايشه في حتته عشان أعرف بيغني ازاي.
غالية بنعلي: أول أغنية لحنتها كانت قصيدة لفؤاد حداد.. ومريم صالح بتفكرني بالشيخ إمام
وعن أول أغنية لحنتها، أوضحت غالية بنعلي: أول أغنية لحنتها بالمصري أنا حرة لفؤاد حداد وبعدها رباعية صلاح جاهين، وصوت ومريم صالح بيفكرني بالشيخ إمام، ولكن أنا مقدرش أغني زي الشيخ إمام بالظبط.
وفي سياق آخر، علقت غالية بنعلي على نبرة صوتها، قائلة: يمكن صوتي لا هو أنثوي ولا رجالي دي حتى موجودة في أم كلثوم لما كبرت، ولما كنت صغيرة كنت بسمع أم كلثوم وبقول لو ربنا كان عنده صوت هيبقى صوت أم كلثوم؛ لأنه بيجمع صوت الست والراجل وكأنه كامل، ده صوت رباني خام ونازل بيقول الكلام بقوة زي البرق والرعد.
