عمرو سلامة: فيلم 60 جنيه تجربة شخصية وسبْق لمهرجان الجونة لإنه من الأحداث اللي اعترفت بالهيب هوب
تحدث المخرج عمرو سلامة عن تجربة فيلم ستين جنيه بطولة مطرب الراب زياد ظاظا، ومن المقرر عرض الفيلم في مهرجان الجونة السينمائي في دورته السادسة.
وقال عمرو سلامة خلال تصريحات تليفزيونية: أعتقد إنه مفيد إن مهرجان الجونة كمهرجان سينمائي يعرض فيلم عن عالم الـ هيب هوب وعن أغنية هيب هوب، لإنه سبق ومن الأحداث المهمة اللي اعترفت بالفن ده وتديله الشرعية اللي محتاجها.
وأضاف عمرو سلامة: سمعت أكتر من أغنية لـ زياد ظاظا، ولكن أغنية ستين جنيه فيها تجربة شخصية ودورت على أغنية يكون وراها قصة تتحكي، وفكرة إن فيلم قصير يكون افتتاح مهرجان الجونة خطوة هتقدر قيمة الفيلم القصير، وأتمنى تكون بداية وفاتحة إن الأفلام القصيرة يكون ليها سوق وجماهيرية.
عمرو سلامة: بحضن المخدة قبل عرض أي فيلم ليا وبتوقع نقيضين من الجمهور
وعن عرض الفيلم في افتتاح مهرجان الجونة السينمائي، أوضح عمرو: قبل أي عرض فيلم ليا بنام وبحضن المخدة وبتوقع نقيضين وهو إن الناس بتسقف وبتقول ده أحسن فيلم شوفناه في حياتنا.. وبتوقع إن الناس كلها بتشتمني وبتقولي إيه القرف اللي أنت عامله ده، وخايف جدًا لإن مهرجان الجونة يعتبر مهرجان كبير جدًا والناس المعزومة ناس مهمة.
فيلم ستين جنيه
وتبلغ مدة فيلم ستين جنيه 18 دقيقة، وتدور أحداثه حول زياد المراهق الموهوب، الذي يعيش في فقر مع شقيقه المعاق ووالدته، ومن خلال أحلام اليقظة الموسيقية نكتشف سرًا غامضًا تتورط فيه العائلة، ومن شأن هذا الرابط العائلي أن يمنح زياد الفرصة للبدء من جديد، والعمل من بطولة الرابر زياد ظاظا، ومدير التصوير هو أحمد طارق بيومي، ومن إخراج عمرو سلامة.
