صاحبة أغنية على فكرة أنت اللي مزودها بعد تعرضها للتحرش: جالي انهيار عصبي |فيديو
تحدثت الفنانة الشابة نورين أبو سعدة عن واقعة التحرش التي تعرضت لها بأحد شوارع منطقة المهندسين، مساء اليوم الاثنين.
وقالت نورين أبو سعدة في تصريح خاص لـ القاهرة 24: كنت واقفة فيه شخص قرب مني وقال كلام مش كويس وأنا زعقتله.. وقولتله مينفعش الكلام ده، لقيته بيبجح وبيرد وبيقرب وبيخوفني.
وأضافت نورين: روحت شديته من شعره وحدف كوباية القهوة في وشي.. والناس كانت بتهديني وجالي انهيار عصبي والناس كانت بتهديني أنا ومحدش كان بيكلمه هو خالص.
واختتمت حديثها: مشيت ومعملتش محضر وروحت.. ولسه بفكر مش متأكده هقدم محضر ولا لأ وبحاول استوعب الموقف.. ومش عايزه الولد ده يعمل كده مع بنات تانية أو ناس تانية.
نورين أبو سعدة تعلن تعرضها للتحرش
سبق وكشفت نورين أبو سعدة، خلال فيديو لها عبر حسابها الرسمي بـ انستجرام، وقالت: شخص رمى عليا كوباية القهوة في الشارع وكل الرجالة واقفة ومحدش عمل حاجة.
وفي سياق آخر، شاركت نورين بكوبليه في أغنية حب خناق مع مطرب الراب مروان موسى، واشتهرت بكوبليه: على فكرة أنت اللي مزودها متزودهاش.. مستخسر إزاي في حبيبتك شويه كلام.
وتشارك نورين في فيلم آل شنب، والمقرر عرضه في مهرجان الجونة السينمائي في دورته السادسة، ويضم العمل عددا كبيرا من النجوم أبرزهم: ليلى علوي، لبلبة، هيدي كرم، حسن مالك، وعدد آخر من الفنانين، والعمل من تأليف وإخراج أيتن أمين.
