إنجي وجدان تنهار من البكاء بسبب أحداث فلسطين: حاربوا بعض من غير ما تدخلوا الأطفال
أعربت الفنانة إنجي وجدان، عن غضبها وتعاطفها الشديد مع القضية الفلسطينية، وأهالي فلسطين وما يحدث لهم من إبادات من المحتل الصهيوني.
ونشرت إنجي وجدان مقطع فيديو عبر حسابها الرسمي بموقع انستجرام، انهارت فيه من البكاء على ما يحدث في فلسطين من مجازر بشرية، معلقةً: اللي بيحصل ده كتير، ومعظمنا مش بيحب يتكلم في السياسة ويتدخل في أي حوارات، بس كدة كتير.
وتابعت إنجي وجدان: والأطفال اللي عمالة تموت وضرب مستشفيات وضرب كل حاجة، هي حرب ما بين سياسات، يحاربوا هما بعض، بيدخلوا الأطفال والبني آدمين ليه، كلنا قاعدين مش عارفين نعمل إيه.. وأنا مش عارفة أعمل إيه وغيري كتير.. ومعرفش طالعة بعمل الفيديو ده ليه.
واختتمت إنجي وجدان حديثها قائلةً: اللي أقدر أقوله إن ده حرام والله اللي بيحصل ده، حرام وربنا كبير وشايف كل حاجة، ولو متعاقبتوش دلوقتي هتتعاقبوا بعدين وكل واحد بيدعم اللي بيحصل ده ربنا هيحاسبكم.
تعليق نجوم الفن على إبادات فلسطين
ولا تعد إنجي وجدان الفنانة الأولى التي تعلق على القضية الفلسطينية، بل حرص العديد من الفنانين على إظهار الدعم لهم، أبرزهم المطرب حمزة نمرة، الذي كتب منشور عهبر حسابه الشخصي بموقع فيسبوك، قال به: قلبي واجعني على اللي ماتوا، مش عارف أنام من القهر، فمسكت المصحف، وقرأت كلام ربنا، روحي هدأت واتطمنت عليهم، تخيلوا كل اللي كانوا في المستشفى، بآلامهم وأوجاعهم وعطشهم وجوعهم ولهفتهم على عيالهم وعياطهم وقلة حيلتهم.. في غمضة عين.. في أسرع من غمضة عين.. اتبدل حالهم لحال ما أعظمه وأجمله.
