شمس البارودي بعد وفاة نجلها غرقًا: كنت بصلي وراه.. وبحمد الله إن ابني شهيد
تحدثت الفنانة شمس البارودي، عن نجلها الراحل عبد الله الذي رحل عن عالمنا في شهر يوليو الماضي غرقًا في الساحل الشمالي، مؤكدة أنه كان متدينًا وملتزما بتعاليم الدين الإسلامي.
وقالت شمس البارودي في تصريح خاص لـ القاهر 24: أنا عاصرت وفاة أمي وغسلتها وأنا حامل في عبد الله، ووجع الضنا حاجة تانية خالص، وأنا بحمد ربنا وبشكر فضله أن ابني شهيد.
وأضافت: أنا كنت بعمل خاتمة قرآن في البيت والشيخ كان بيقول إن عبد الله أكثر أبنائي اتقانًا لقراءة القرآن والتجويد والأحكام، عبد الله ابني كان بيئمني في الصلاة.
شمس البارودي تكشف حقيقة اعتزال حسن يوسف بعد وفاة نجلهما غرقًا
وسبق أن كشفت الفنانة شمس البارودي حقيقة اعتزال زوجها الفنان حسن يوسف بعد وفاة نجلهما الأصغر عبد الله، وقالت في تصريحاتها لـ القاهرة 24: حسن بيقولي أنا دلوقتي مش قادر أرجع ومعنديش استعداد بسبب الوضع اللي إحنا فيه، ولكن هو ما أعلنش اعتزال والقرار ليه هو فقط اللي يحدده براحته، وممكن يرجع تاني لنشاطه الفني بعد فترة.
وأضافت شمس البارودي: إحنا متقبلين وفاة عبد الله من الأول لأننا لا نعترض على أمر الله، وابني ربنا كرمه بالشهادة، وكرمه بسيرته الطيبة، إحنا مفيش حد كلمنا من مشارق الأرض ومغاربها إلا ويشكر في سيرته الطيبة، إحنا حامدين وشاكرين وكنا بنزور عبد الله يوم الجمعة اللي فاتت، ومكناش قادرين نزوره من وقت الوفاة، وعملنا رخامة عليها اسمه ووضعناها على القبر، ووضعنا زهور وزرع أخضر والحمد لله على كل حال.
