انتهاء الأزمة.. لاعب الزمالك يوسف حسن يُجري عملية الكاحل السبت المقبل| خاص
يجري يوسف حسن نجم الفريق الأول لكرة القدم بنادي الزمالك ولاعب منتخب مصر للشباب، عملية في كاحل القدم خلال الساعات القليلة المقبلة.
وقال مصدر مقرب من اللاعب، إن يوسف حسن سيقوم بإجراء عملية في كاحل القدم، يوم السبت المقبل من أجل الاستعداد للعودة من جديد للملاعب خلال الفترة المقبلة، بعد غياب دام لأشهر، وأن العملية ستقام يوم السبت المقبل في كاحل القدم.
بيان مهاجم الزمالك
وكتب يوسف حسن عبر حسابه الرسمي على موقع التواصل الاجتماعي فيسبوك: أنا بس هتكلم كلمتين والواحد ساكت متكلمش من ساعة ما تصابت أنا ولا حد بيسأل فيا ولا حد بيطمن عليا، بدون ذكر أسامي أن مقصرتش مع حد ولا عمري حد شاف مني حاجة وحشة.
وأضاف حسن: أولا أنا اتصبت في ماتش المقاولون العرب في الكاحل، تمام اتعالجت يومين وبعدين رحت منتخب الشباب واتخبط فيها تاني والإصابة عبارة عن كرحة في الكاحل محتاجة ليزر وكل لما أكلم حد يقولي النادي مفهشو فلوس أنا بقالي خمس شهور قاعد في البيت مفيش حد عارف يعملي عملية بـ 150 ألف جنيه لدرجة أني قولت عاوز فلوسي وأنا هعملها على حسابي.
وأكمل: وتاني مرة أقول حسبي الله ونعمة الوكيل في اللي قال دي إصابة مزمنة، اللي قال كدا يثبت أنها مزمنة وأنا هوريلو التقرير والإشعات، نفسي أفهم ليه بيحصل كده، أنا مقصرتش بنقطة عرق واحدة وأنا بلعب مع نادي الزمالك لعبت خمس ماتشات كسبنا الخمسة الحمد لله يعني مقصرتش في أي حاجة.
واختتم: على العموم، أنا في انتظار أحد المسؤولين في النادي تواصل معي وهعمل العملية، وهرجع أحسن من الأول بإذن الله وأنا بحب جمهور الزمالك من قلبي فعلا شكرا.
