طليقة صيدلي مدينة نصر بالتحقيقات: اكتشفت خيانته بالصدفة ففضحته واتطلقت منه | خاص
حملت اعترافات طليقة صيدلي مدينة نصر المتهم بهتك عرض السيدات والصغار داخل صيدليته الخاصة بمنطقة عزبة الهجانة بمدينة نصر عدة مفاجئات، بينها اتهام الصيدلي بهتك عرض ابنتها وممارسة الفحشاء معها حينما كانت تبلغ 7 إلى 10 أعوام، فضلا عن تصويره الضحايا بكاميرات المراقبة الخاصة بالصيدلية، والاحتفاظ بمقاطع الفيديو على جهاز اللاب توب الخاص به.
تحقيقات صيدلي مدينة نصر
واستدعت جهات التحقيق بالقاهرة، طليقة صيدلي مدينة نصر لسماع أقوالها، وجاءت كالتالي: اللي حصل أن أنا كنت متجوزة خالد.م، والمعروف إعلاميًا بصيدلي مدينة نصر، من سنة 2000، وعندنا أبناء، وأنا وهو خريجي صيدلة، وبعد جوارنا بفترة فتحنا صيدليتين في عزبة الهجانة وكنت أنا وهو كل واحد فينا بيشتغل في صيدلية منهم، وكانت الحياة ما بينا طبيعية ومفيش أي خلافات كبيرة لحد من حوالي 5 سنين تقريبا فوجئت في مرة وأنا ف البيت ببنتي داخلة عليا ومنهارة من العياط وبتقولى أن باباها عمل معاها حاجة مش كويسة.
وأضافت: حاولت أهديها وبعد كده هي هديت وبدأت تحكيلي حاجات كثيرة كان باباها بيعملها فيها، وهي مكنتش فاهمة هو بيعمل إيه، زي إن هو كان بيتحرش بيها وبيمسكها من أماكن حساسة في جسمها، وبيقلعها هدومها ولما واجهته بالموضوع ده ف الأول أنكر، وبعد كده اعترف ليا إن هو كان بيعمل كده فعلا، بس مكنش قصده حاجة، وإن دي بنته، ومن ساعتها وبنتي عندها مشاكل نفسية وفي مشاكل من ساعتها بيني وبين زوجي صيدلي مدينة نصر، وبس الحياة فضلت مستمرة ما بينا عشان ما أخربش البيت، وهو مبقاش يعمل حاجة تاني لبنتي فسكت عشان أحافظ على البيت.
وواصلت: لحد ما في مرة لقيته ناسي هارد عندي في أوضة النوم في البيت، فخدته وشغلته على الكمبيوتر ولقيت عليه ملفات كثيرة مقفولة بباسورد بس لقيت كذا فولدر مش مقفولين ومتسمين بأسماء ستات، ففتحتهم لقيت جواهم فيديوهات لما شغلتها لقيتها متصورة في الصيدلية اللي في عزبة الهجانة، وهو ظاهر فيها وهو بيتحرش بسيدات وبنات في الصيدلية، وبعدها أنا سبت البيت، ورفعت عليه قضية تطليق للضرر رقمها 110 لسنة 2022 أسرة القاهرة الجديدة، وقدمت ف القضية الفيديوهات دي وهو راح الإذاعة والتلفزيون وطلع هو اللي طالع في الفيديوهات دي، والمحكمة بعدها حكمتلي بالتطليق للضرر بي وهو استأنف والقضية لسه شغالة في الاستئناف.
