برقص على خيبة العالم.. إيناس مكي ترد على انتقادات الجمهور لها بسبب نشر فيديو لرقصها
تعرضت الفنانة إيناس مكي للهجوم من الجمهور بسبب فيديو لها نشرته وهي ترقص على أغنية سطلانة لـ محمود الليثي وعبد الباسط حمودة، وذلك بسبب الأحداث التي تمر بها فلسطين.
وجاءت تعليقات الجمهور لها كـ الآتي: ايه التفاهة دي أطفال بتموت في غزة كل ثانية وأنتي بترقصي على خيبتك ولا أيه مش فاهمة، لترد عليها إيناس مكي: لأ برقص على خيبة العالم والمؤسسات.
وجاء تعليق آخر لـ إيناس مكي، معلقًا: هو في ايه حضرتك بعيدًا بقى عن غزة والألم اللي بنعيشه من اللي بيجرالهم بس ايه اللي حضرتك بتعمليه ده ومتقوليليش تعبير عن العبث عشان الرد غير مقنع.. ومفيش أي ربط بين الفيديو ده وأي شيء يخص غزة، لترد إيناس على التعليق: هو أنا كتبت وقلت أنه ليه علاقة بغزة في ايه حضرتك.
وفي سياق آخر، تحدثت إيناس مكي من قبل عن الخلافات التي بينها وبين شقيقها أحمد مكي، قائلة: السبع سنين دول كانوا كرم من عند ربنا إني آخد بالي من أمي صحيا وكان ربنا هو اللي بيستف الأوراق وطلعت عايزة قلب مفتوح ودا عايز حد مركز وخدت أمي لأخويا الكبير في فرنسا خلصنا العملية ورجعنا، ولما بسرح بقول سبحانك يارب أنا لو كنت بشتغل مكنتش هاخد بالي.
