بدرية طلبة بعد التشكيك في محادثتها مع إحدى القنوات الإسرائيلية: عار عليكم تكلموا فنانة مصرية
ردت الفنانة بدرية طلبة على منتقدي نشر محادثتها مع إحدى القنوات من إسرائيل لحضورها حفلة اليوم الوطني الإسرائيلي، مشيرة: اللي بيشكك في كلامي واطي.
وظهرت بدرية طلبة في بث مباشر على حسابها الرسمي بـ انستجرام، توضح فيه مما حدث، قائلة: مش هطلع في مدخلة مع حد ولا هرد على حد، وبالنسبة للمشككين هوضح الموضوع يمكن الشات مش مبين حاجة.. لقيت رقم بيكلمني معرفتش الرقم ده منين لقيت واحدة بتقولي عايزني في حفلة، ورديت باللي يرضي ضميري مش محتاجة إني أطبل دي بلدي.
وأضافت بدرية طلبة: غلط أني انزل شات، لأني بسافر دول وممكن يكون جنبي واحد إسرائيلي، وبتطاولوا على أنغام وبتهاجموا أنغام على إيه.. أنتوا عار عليكم تكلموا فنانة مصرية والفنانة تديكم فوق دماغكم.
واستكملت بدرية حديثها: اللي بيشكك في كلامي ده واطي.. أنا لا محمد صلاح ولا محمد رمضان اللي بقوا عالميين.. وأنغام أستاذة حتي لو أصغر مني سنًا.
واختتمت بدرية: اللي دخلوا استخفوا عملتلهم بلوك.. ولما باسم يوسف طلع ظبطهم كنا فرحانين ومبسوطين، واللي يقدر على حاجة يعملها.. أنا عرضت نفسي للخطر.
وفي سياق آخر، كشفت بدرية طلبة عن رسالة تلقتها في شهر مارس الماضي من قِبل إسرائيل، حيث تلقت دعوة لحضور اليوم الوطني الإسرائيلي 25 أبريل الماضي من إحدى قنوات تل أبيب من مذيعة، ونشرت الرسالة التي تلقتها لحضور الدعوة في إسرائيل وشاملة السفر والإقامة، وأجر يصل إلى نحو مليون جنيه.
