وفاء عامر: مينفعش نوقف الشغل تضامنًا مع غزة.. لازم نشتغل ونعلى عشان الكلمة تبقى مسموعة ونسيطر

علقت الفنانة وفاء عامر على موقف إيقاف عدد من الفنانين أعمالهم، تضامنًا مع غزة، مشيرةً إلى أنها ليست مع ذلك الرأي من أجل التضامن مع أهالي غزة، حتى لا تقف الصناعة بالكامل.

وقالت وفاء عامر خلال تصريحات خاصة لـ القاهرة 24: من خلال عملي هناك ما يقرب من 12 شخصا بيوتهم مفتوحة، فإذا أوقفت عملي، هم سيتضررون، مضيفةً: بالعكس أنا لو مش قادرة اشتغل هبقى مضطرة عشان تكون البيوت ديه مفتوحة، وديه قمة الإنسانية، وعشان كمان اتبرع للهلال الأحمر، ولو حد طلب مني مساعدة صغيرة، أقدر أعملها. 

وتابعت وفاء عامر: لو عايزة أتضامن مع أهالي غزة، أعلى بشغلتي عشان كلمتي تبقى مسموعة فالناس تسمعني، فاقدر أقول وابقى مسيطرة من خلال المهنة اللي بشتغلها، احنا لازم نشتغل؛ لأننا لو وقفنا، عجلة الإنتاج هتقف بالكامل، سواء في الفن أو الاقتصاد وده مش صح.

وأردفت: احنا ممكن نقف حداد قدام العالم كله، فلتسقط الإنسانية أمام ما يحدث في غزة، أنا واحدة مش بتاعت شعارات، أنا واحدة عملية، ووقت الوقفة الاحتجاجية كنت موجودة وقولت رأيي، أنا واحدة واضحة.

أعمال وفاء عامر

يعد مسلسل الكتيبة 101 هو آخر أعمال وفاء عامر الفنية، الذي شاركت به في موسم دراما رمضان 2023، مع الفنان عمرو يوسف وآسر ياسين.

وفاء عامر عن شهداء غزة: المفروض نلبس عليهم أبيض | فيديو