السيسي: شركات كتير في القطاع العام مش بتحقق أرباح.. والناس تقولك عاوزين حوافز مش مدركين أنها بتيجي لهم من دم بلدهم
قال الرئيس عبد الفتاح السيسي، رئيس الجمهورية، إن هناك شركات لا تعمل، وعلى الرغم من ذلك تطلب حوافز، موضحًا: شركات كتير موجودة في البلد في القطاع العام مش بتحقق أرباح ويقولك أديها حوافز، ما هو لو مدرك أني بجيب له الحوافز دي من دم بلده عشان اسكته مكنش هيعمل كده، كان هيبقى همه إزاي يشتغل.
السيسي في الملتقى الدولي للصناعة
وأضاف السيسي، خلال كلمته في المعرض الدولي للصناعة، أن العبرة بالإرادة، مضيفا: إرادة الناس والموظف اللي في المكتب اللي مش عارف أنه أما بيوقف إجراء بيعود على إزاء كبير لبلده، يا ترى بتدرسوه للطلبة أنه يكون كعامل ميقبلش أنه يشتغل من غير اتقان أو إدراك أو كامل ساعات عمله، علمتوهم؟ محدش يقولي أه، لكن أحنا نقعد نقول أحنا بنعمل وبنعمل، طب لو بنعمل كل حاجة صح أومال حالنا كدة ليه، الواحد يبقى صادق.
وأكد السيسي على أهمية تعليم الطالب في المدرسة على كيفبة أن يكون مسئولًا، ليس فقط ماهرًا، موضحًا: معلموش يبقى ماهر فقط، لأ يبقى مسئول كمان، وجزء إيجابي ميبقاش كل هدفه أقول مرتبي فقط، مرتبي بالدور اللي هقوم بيه عشان أنجح المنشأة.
وأجرى الرئيس عبد الفتاح السيسي، جولة تفقدية في المعرض الدولي للصناعة، حيث يستمع الرئيس لعدد من المواطنين والشباب خلال جولته.
