في يوم ميلاده.. كيف نجحت ثنائية عبد الرحيم كمال ونور الشريف ولماذا أشاد به السيسي؟
يحل اليوم عيد ميلاد السيناريست عبد الرحيم كمال، والذي يوافق 30 أكتوبر، ويعد عبد الرحيم من أهم الكتاب في الوقت الحالي في الدراما التليفزيونية بجانب إشادة الرئيس عبد الفتاح السيسي به على الهواء.
وفي يوم عيد ميلاده نعرض لكم أبرز المحطات الكبيرة في حياة عبد الرحيم كمال الفنان نور الشريف:-
تحدث عبد الرحيم كمال خلال لقاء سابق له عن تعاونه مع الراحل نور الشريف في مسلسل الرحايا حجر القلوب حيث قال: أنا اتعرفت على الأستاذ نور الشريف وهو اللي فتحلي باب الفن والسحر، وده سنه 1995 وقتها أنا كان عندي 23 سنة والأستاذ نور عنده 48 سنة وقرأت من مكتبته حاجات كتير جدًا.
وأردف عبد الرحيم: فضلت أكتبله مسلسلات وأفلام لمده 12 سنة وفضلت في الـ 12 سنة دول محصلش توفيق إلا لما كلمني في يوم وقالي عايز أعمل حاجة صعيدي عندك حاجة قولتله عندي وأنا مكانش عندي حاجة وكتبت الرحايا حجر القلوب والحمد لله طلع للنور.
وعن بداية دخوله مجال الكتابة مع الفنان نور الشريف: كنت لسه جاي مصر ولقيت واحد صحبي بيقولي نور الشريف منزل إعلان عن كاتب يكتب بحث عن لأخناتون، أنا قلت مسرحية فرعوني وعلى مسرح الهناجر وإخراج الأستاذ نور الشريف فأنا سهرت ليله عند حد صاحبي وقعدت أرتب البحث وكتبت 22 ورقة عن إخناتون والحمد لله البحث بتاعي هو اللي نجح.
وأردف عبد الرحيم: قابلته واتناقشنا في المسرحية وعجبه الحوار، وبدأت أفهم منه وهو كان عمال يشجعني وكتب عليا ساعد في البحث وزعلت جدًا علشان أنا تعبت ازاي يتكتب ساعد، بعدها بيومين لقيته بيكلمني يقولي أنا عايزك تكتب سيناريو مسلسل قولتله إني معرفش يعني إيه سيناريو قالي لا أنت شاطر وقالي يوم السبت تجيلي نمضي العقد.
أما عن كتابته في المسرح قال عبد الرحيم كمال عشقه للمسرح حيث قال، المسرح فن من الفنون الأصيلة وأنا من عشاق المسرح التجربة المهمة بالنسبالي كانت مع الأستاذ نور الشريف وكانت قصة قصيرة للأستاذ بهاء طاهر تجربة دي كانت هي الأهم في حياتي لإني اتعلمت منه، غير القراءة إنك تشوف الخشبة كل يوم ده غير.
وأضاف: أستاذ نور الشريف مرة طلب مني إني أشتغل إدارة مسرحية وأدخل ممثلين وأنا مكنتش راضي بقوله أنا صعيدي قالي ده احنا نكنس المسرح أنا كنست خشبة المسرح فعلمني إزاي أحترم المسرح والجمهور والتفاعل وده من أجمل الفنون حقيقي.
كما أشاد به الرئيس عبد الفتاح السيسي من خلال مداخله تليفزيوينة وعبر عبد الرحيم عن سعادته بتكريم الرئيس له قائلًا: كنت بحب الكتابة بشكل فيها تجرد ومشواري مكانش بسيط، وفرحت إنه يجيلي تقدير ومكالمة من رئيس الجمهورية وحسيت إنه تقدير لمهنتي ككل وفكرة الكتابة، ومخدتهاش بشكل شخصي، ورئيس الدولة قال عنه عايز الفن والوعي وتجديد الخطاب الروحي، وبكده مبقتش لوحدي وحسيت إن فيه دعم حقيقي.
