نجل صيدلي مدينة نصر بالتحقيقات: أمي سابت البيت وأختي جالها مرض نفسي | خاص
يستكمل القاهرة 24 انفراده بنشر التحقيقات في قضية صيدلي مدينة نصر التي حملت رقم 12206 لسنة 2013 جنح الثالث مدينة نصر، والمتهم فيها بالتعدي على سيدات وأطفال داخل صيدليته الخاصة بمنطقة عزبة الهجانة، بمدينة نصر، وتصويرهن بكاميرات المراقبة والاحتفاظ بمقاطع الفيديو على جهاز لاب توب خاص به.
التحقيقات في قضية صيدلي مدينة نصر
وجاءت أقوال نجل صيدلي مدينة نصر أمام جهات التحقيق على النحو التالي:
من: ما هي صلتك بالمتهم / خ.م. ت؟
ج هو والدي.
س: ما هي معلوماتك حول الواقعة محل التحقيق؟
ج: الي حصل إنه وفي عام 2019 تحديدًا كنت أنا في الصف الثالث الثانوي ومقيم مع والدي ووالدتي بشقة سكنية بالتجمع الخامس وكان معايا أختي الصغيرة والبالغة من العمر 16 عام حاليًا وفي صباح أحد الأيام فوجئت بوجود خلافات بين والدي ووالدتي وعلى أثرها تركت والدتي المنزل وأخدت أختي معاها وفضلت أنا وأبويا مقيمين مع بعض وده طبعًا كان محل استغراب ليا لأن أنا مكنتش أعرف ليه أمي سابت البيت وفضلت أتقصى عن الأمر لحد ما تخطيت مرحلة الثانوي وكنت أنا ناوي بعدها أروح أقيم مع والدتي وأختي لأنه مكنش ينفع إنهم يقعدوا لوحدهم وبعد ما خلصت الفترة دي فوجئت بأمي بتعمل إجراءات علاجية لأختي ومنها جلسات العلاج النفسي مع المختصين النفسيين والأطباء وغيره، وعرفت ساعتها لما والدتي صارحتني باللي كان بيحصل من والدي مع أختي واللي كان من قبيل التعدي على أختي في أثناء وجود والدتي في الصيدلية وإن اختي جات صارحتها وقالت ليها إن والدها بيبوسها من بوقها وبيقوم بأفعال تانية مخلة بردو وده كان سبب ترك أمي البيت وطبعًا لما عرفت الكلام ده فضلت مقيم مع أمي لحد ما تم تمكيننا من الشقة اللي موجودة في التجمع وحصلت مشاكل ومناوشات عرفت بردو فيها بموضوع الفيديوهات بتاعت الصيدلية وطبعا في دعاوى كثير مرفوعة من والدتي عليه بهدف الطلاق وهو كمان بيختلق الوقائع ورفع دعوى نشوز وهو ده اللي حاصل بالظبط وطبعًا علاقتي بيه تقريبًا مش موجودة أو أعداء بسبب اللي حصل واللي عرفته من
والدتي من الممارسات اللي بيعملها.
س: متى وأين حدث ذلك؟
ج: الكلام ده حصل في غضون عام 2021 في شقتنا اللي في التجمع الخامس وطبعًا تتابع أحداث القصص دي في أماكن مختلفة ووقائع التعدي على أختي كان على مدار 3 سنين تقريبًا لحد ما اكتشفنا اللي حصل.
