بعد نجاح حكاية عيشها بفرحة.. هبة مجدي تتبرع بـ 30 كرسيا لذوي الهمم
قررت الفنانة هبة مجدي التبرع بـ 30 كرسي متحرك لذوي الهمم والاحتياجات الخاصة، وذلك بالتزامن مع انتهاء عرض حكاية عيشها بفرحة من مسلسل 55 مشكلة حب التي جسدت خلاله شخصية فتاة من ذوي الهمم.
وقالت هبة مجدي خلال لقائها مع برنامج et بالعربي: مبسوطة أوي؛ لأني كنت بشتغل وأنا عليّا مسئولية كبيرة، إن المسلسل يطلع بشكل بسيط ويوصل لقلوب الناس بمنتهى البساطة من غير ما نضايقهم بحاجة أو نضغطهم.
كواليس حكاية عيشها بفرحة
أما عن إشادة مخرجة من ذوي الهمم بحكاية عيشها بفرحة، أردفت هبة: اتبسط أوي إنها كتبت على السوشيال ميديا إنها مبسوطة بالعمل، وأنا في الحقيقة مشفتهاش قبل ما أدخل تصوير واتفاجئت إن فيه حاجات شبه قصتها الحقيقية.
وعن الرسالة التي تهدف الحكاية بثها للجمهور، أضافت هبة مجدي: حبينا نقول إنك لازم يبقى عندك إرادة قوية جدًا، بدل ما تبقى محطم وتستلم للضعف اللي أنت فيه، لازم تغير حياتك وربنا هيكرمك فيها ويشجعك في خط سير جديد بحياتك، وتكون أنجح من قبل كده.
وعن تعاونها مع الفنان هاني عادل في حكاية عيشها بفرحة، استكملت حديثها، قائلةً: الحمد لله، وإحنا بنصور أنا وهاني الناس كانت حبانا على الكاميرا، واشتغلنا مع بعض قبل كده في مسلسل نصيبي وقسمتك ولكن الحكاية المرة دي مختلفة تمامًا، ده غير إن الحكاية مش بس بتبث بطاقة أمل كمان فيها دعوة للرومانسيةوالحب الحقيقي.
وعبّرت هبة مجدي عن مدى الصعوبات التي واجهتها أثناء التصوير، بالتزامن مع أحداث غزة، قالت: كانت الأحداث مأثرة علينا جدًا جدًا في التصوير، وكنا مضطرين نعرض في توقيت معين وكان عندي مسئولية لازم نخلص الشغل، وكنا في نفس الوقت بنشوف الواقع ومتضايقيين ومشحونيين ومفيش حاجة في إيدينا غير إننا ندعيلهم.
