أخدت منه تليفونه وصورته بيه عشان ميعملش كدا تاني.. ننشر التحقيقات في قضية خطف مواطن بالمرج| خاص
نشر القاهرة 24 التحقيقات في القضية التي حملت رقم 1536 لسنة 2022 جنايات المرج والمقيدة برقم 1336 لسنة 2022 كلي شرق القاهرة، عن خطف متهم وإجباره على توقيع إيصالات أمانة بعد اتهامه بالدلوف إلى منزل إحدى السيدات ومراودتها عن نفسها، لإقامة علاقة غير شرعية معها.
استدراج مواطن وخطفه
وحصل القاهرة 24 على أقوال أحد المتهمين في واقعة خطف مواطن بالمرج وهو شخص يدعى اسلام. و. ح السن 26 سنة ويعمل بائعا متجولا على فرشة ومقيم بشبرا الخيمة بمحافظة القليوبية، حيث جاءت أقواله: اللي حصل إني أنا كنت عارف عمر وكان شغال معايا على فرشة وجه قالي إن الراجل اللي اسمه سيد اللي كنت شغال معاه قبل كده بيكلم أمي على طول يعمل معاها علاقة غير شرعية، وأنا قلت له الكلام ده ميحصش، واتفقت أنا وهو وأمه ومحمد حسن ومحمد عبد الظاهر إن إحنا نجيبه البيت عند أم عمر ونشوفه هو عاوز إيه ولو كدا نصوره متلبس ونعمل اللي إحنا عاوزينه فيه وبعدين عرفت إن أم عمر اتفقت معاه هيجي البيت وإحنا هنخش عليهم هما الاثنين وبعد كدا كان عمر معانا ومحمد ومحمد التاني وعرفنا إنه موجود بالشقة مع ناديه روحنا دخلنا عليه وهو بيقلع الشورت وكانت ناديه خالعة الطرحة ولابسة العباية ودخلنا عليهم قلت له إنت بتعمل إيه هنا قالي انا لسة معملتش حاجه راح عمر ضربه.
وبنهدي عمر راح ضربنا احنا روحنا مكتفينو بالحبال وقولنا لعمر اللي أنت عاوزة منه هنعملهو راح الراجل قال اللي انتو عاوزينه هعملهلكم رحنا مفتشين البنطلون وخدنا منه التليفون ورحت مصورة بتلفونه وصورتو علشان ميعملش كدا تاني وقال متنشروش الفيديوهات دي وهكتب لكل واحد عربيه قولنالو احنا مش عاوزين حاجه هو قال لينا هديكم فلوس وانتم ادوني الحاجه دي التليفون والفديو وهديكم مبلغ خمسين ألف جنيه قولنالو هات الفلوس هنديك الحاجه دي وبعد كدا راح مضـي لينا علي ثلاث ايصالات امانه وقال لينا علشان تضمنو حقكم وكان معاه فلوس اداها لام عمر والسبحة والنضارة كانو في العربية بتعته اللي انا ومحمد حسن رحنا جبناها بعد ما وصف المكان وقبلها قلنا له رن علي حد يجيب الفلوس وقلنا له اللي ييجي هنمشيك معاه بعد كدا قالي معييش فلوس وقال علي العربيه روحو هتوها وفيها فيزا ممكن تسحبو الفلوس اللي أنتم عاوزينها ودورنا في العربية ملقناش فيها غير السبحة والنضارة والرخص بتاعت العربية وخدنا بتاعت الضرايب من العربية وطلعنا بيه البيت وبعد كدا الساعه جت 9 بليل ادينا له مفتاح العربيه ومشناه وبعد كدا اتقبض عليا امبارح في قلب العربيه السوذوكي وبعدين خدوني على قسم المرج وبعد كدا جابوني على هنا.
وكانت محكمة جنايات شمال القاهرة، قضت بالسجن سنة للمتهمين باستدراج المجني عليه وخطفه والتعدي عليه، وإجباره على توقيع إيصالات أمانة.
