ويجز يوجه رسالة بالإنجليزية لجمهوره في كندا: الإعلام يكذب عليكم وندين أفعال أمريكا وإسرائيل.. غزة تتعرض لإبادة
وجهه مطرب الراب ويجز، رسالة باللغة الإنجليزية لجمهوره الكندي، وذلك خلال إحيائه حفلًا غنائيًا بمونتريال كندا، ولفت إلى أن الإعلام الغربي يزور الحقائق في حرب فلسطين وإسرائيل.
حفل ويجز بكندا
وحرص مطرب الراب ويجز على دعم الشعب الفلسطيني ضد إسرائيل، معربًا عن استيائه الشديد لما يفعله جيش الإحتلال ضد أهالي غزة، وقال ويجز في حفله بمونتريال بكندا: الإعلام يكذب عليكم وأنا أعلم أنها ليست مفاجأة لبعض الناس ولكن هناك إبادة جماعية في غزة.
وأضاف ويجز: معظمكم عايش هنا وبيحتك مع اسمهم إيه واللي جمبيهم أو اللي ميعرفوش أصلا فأتمنى كله يبقى عنده الحاجة اللي بتقهرك إن في ناس معندهاش أدنى إحساس بالمسئولية ومتعرفش حاجة عن اللي بتحصل وبجد مغيبة.
وختم ويجز حديثه: هل نحن ندين الإرهاب؟ نعم نحن ندين الإرهاب وقتل أكثر من 2000 طفل وندين أفعال أمريكا وإسرائيل والفصل العنصري ضد فلسطين.
ويجز: بنشرح للناس إن الفلسطيني بني آدم
وسبق واستنكر ويجز تصرفات الجيش الإسرائيلي مع أهالي غزة، إذ قال في تصريحات تلفزيونية سابقة: أنا حاسس إن الموضوع صعب، إحنا نبدأ نشرح للناس إن الفلسطيني بني آدم؟ ده مش منطقي، أنا مش فاهم ليه إحنا محتاجين نطرد اليهودي من أوروبا ويجي يقعد في فلسطين؟، ما أنت لو بني آدم وعايز تعوضه طيب ما تدي له مساحة في أرضك.
وتابع ويجز: أمريكا أكبر شيء واقف ضد الفلسطنيين وضد كل شيء آدمي، يعني ضد أننا نوقف ضرب ونقتل، وضد إن يدخل مية، هي واقفة كما السيف علشان الفلسطنيين مياخدوش حقهم، وفي جرائم لا تغتفر ومش بس المقاومة إحنا دورنا خارجي أكبر بكتير أوي.
وختم ويجز: اللي أنا بحاول أفهمه ليه في ناس بتدفع فلوسها لـ إسرائيل علشان تقتل مجموعة من المدنيين، إحنا شوفنا أمريكا وهي بتحارب وشوفنا لما جابت أسامة بن لادن، وشوفنا أطفال بتموت ولكن مش بالشكل ده، إحنا في 2023 و8000 بني آدم يموتوا في أسبوعين ونكمل حياتنا عادي، ده مش طبيعي.
