همضي لكم على إيصالات أمانة بس سيبوني امشي.. ننشر التحقيقات في قضية استدراج مواطن وخطفه بالمرج| خاص
ينشر القاهرة 24 التحقيقات في القضية التي حملت رقم 1536 لسنة 2022 جنايات المرج والمقيدة برقم 1336 لسنة 2022 كلي شرق القاهرة، عن خطف متهم وإجباره على توقيع إيصالات أمانة بعد اتهامه بالدلوف إلى منزل إحدى السيدات ومراودتها عن نفسها، لإقامة علاقة غير شرعية معها.
استدراج مواطن وخطفه
وحصل القاهرة 24 على أقوال أحد المتهمين في واقعة خطف مواطن بالمرج، وجاءت كالآتي:
اللي حصل إن محمد عبد الظاهر اتصل بيا وقالي ان فيه مشوار هروح لغاية الخصوص وهنرجع تاني وقابلنا إسلام وائل والاتنين حكولي أن في واحد صحبنا اسمه عمر كان شغال مع واحد والراجل ده بيكلم أم عمر وبيقولها أنا عاوز أنام معاكي قولتلو والمطلوب؟ قال لي هنجيبه نأدبه شوية وهنمشيه ورحت المرج قابلت عمر وبعد كدا وصلتهم لحد البيت اللي في المرج وكانت معايا وقتها أم عمر وإسلام وعمر ومحمد عبد الظاهر طلعوا السطح بتاع البيت وأم عمر اللي هيا اسمها ناديه راحت معايا نجيب الراجل من على الدائري على المرج وقلت له أنت واقف فين خد السواق أهو اشرحلو وقابلتو أنا وأم عمر ووصلتهم البيت اللي في المرج اللي كان مستنيين فيه عمر ومحمد وإسلام وبعد ما وصلنا البيت أم عمر راحت دخلت البيت هي والراجل.
وأنا خدت العربية ومشيت وبعد كدا رجعتلهم ثاني خبطت على الباب وفتحولي ولقيت إسلام وعمر ومحمد مصورين الراجل وهو كان قالع وقعدت معاهم شويه والراجل قال ليهم خدوا كل حاجا وسيبوني أمشي وقالوله إزاي نضمن حقنا راح قايلهم همضي لكم على إيصالات وقالنا خدوا العربية بس سيبولي الأوراق اللي فيها وأنا رحت جبت العربية أنا وإسلام وبعد كدا سبنا العربية على دائري المرج وبعد كدا مشينا وامبارح الصبح اتقبض عليا في الخصوص.
وكانت محكمة جنايات شمال القاهرة، قضت بالسجن سنة للمتهمين باستدراج المجني عليه وخطفه والتعدي عليه، وإجباره على توقيع إيصالات أمانة.
