خالد النبوي اعتذر عن ولاد رزق عشان التتر وديكورات واحة الغروب بـ 16 مليون جنيه.. أبرز تصريحات جمال العدل التلفزيونية
تحدث المنتج جمال العدل عن خلافه مع الفنان خالد النبوي في مسلسل واحة الغروب، وعن رأيه في أعمال الفنان تامر حسني، وعن رأيه في بيومي فؤاد كممثل، خلال استضافته في أحد البرامج التلفزيونية.
أبرز تصريحات جمال العدل التلفزيونية
ـ بيومي فؤاد ممثل رائع ودمه خفيف وممثل كبير ولما يكلمني بقوله أنت أهم من المنطقة دي.
ـ خالد النبوي مشاركش في أعمال كتير منهم فيلم ولاد رزق بسبب رغبته إن اسمه يتكتب قبل أسماء الممثلين في الدعاية وعلى التترات.
ـ مش ندمان على تصريحاتي وقت مسلسل واحة الغروب على خالد النبوي.
ـ عملنا ديكورات لمسلسل واحة الغروب وصلت لـ 16 مليون جنيه.
ـ كنت حاسس أن الحدث أهم بكتير يكون اسم خالد النبوي الأول ولا منة شلبي.
ـ يجوز اشتغل مع خالد النبوي تاني وإحنا اتصالحنا مفيش مشكلة.
ـ وفاة سامي العدل هزتني.. رغم أنه كان مريض قبلها بـ 20 يوم.
ـ سامي العدل توفى في شهر رمضان وهو صاحب الفضل عليا ومكنش في أطيب وأحن منه.
ـ مسلسل واحة الغروب كان لـ نيللي كريم قبل ما يروح لـ منة شلبي.
ـ معجبنيش فكرة فيلم تاج وأن تامر حسني يخرج ويمثل وينتج ويعمل كل حاجة.
ـ العمل لازم يكون جماعي يتكون من مخرج لديه رؤية.
ـ ميصحش تامر حسني يسيطر على كل الأدوار الفنية.
ـ لو تامر حسني بيعمل كل حاجه أكيد في حاجة هتجلي منك.
ـ مفيش خلاف بيني وبين نيللي كريم.. واتقابلنا بعد فيلم ع الزيرو.
ـ محمد إمام ينفع بطل شعبي وهو ممثل شاطر.
أعمال العدل جروب
تشارك العدل جروب في الماراثون الرمضاني 2024 بمسلسل عتبات البهجة بطولة الفنان يحيى الفخراني وجومانا مراد، وجار التعاقد مع باقي أبطال العمل، وهو عن رواية للكاتب إبراهيم عبد المجيد، والمسلسل من إخراج مجدي أبو عميره، ويكتب المعالجة الدرامية السيناريست مدحت العدل وهو مكون من 15 حلقة.
