أحمد مراد: القراءة بالنسبالي عشيقة.. وبكيت في كتابة رواية 1919
تحدث الكاتب والسيناريست أحمد مراد عن كواليس كتابته للروايات، ساردًا تفاصيل كتابته لعدد من الروايات منها رواية 1919.
وقال أحمد مراد في مهرجان الشارقة بـ الإمارات: لو قولنا في روايات لازم تتقري في سن الـ 18 بيقروها ناس دلوقتي وهي عندها 13 سنة وفيها عنصر جريمة أو عنصر تاريخي وده بسبب الانفتاح الرهيب اللي حصل ومجال المنصات والروايات وده بيفتح مجال أكتر تحت مظلة الأدب.
وأضاف أحمد مراد: بكون في حالة من التقمص لما بكتب.. وعيني دمعت في روايتي الرابعة وأنا بكتب ساعات بيحصل اكتئاب في لحظة معينة ولازم يكون في اندماج وإنك تخرج من الحالة ده الصعب، وأجمل شيء في الكتابة أن يبقى في أسئلة أكتر من الإجابات ويبتدي القارئ يتسأل، والقراءة بالنسبالي عشيقة محتاجة وقت كإني أول مرة أقابلها.
آخر أعمال أحمد مراد
يعد فيلم كيرة والجن آخر أعمال أحمد مراد، وحقق العمل نجاحًا كبيرًا وتجاوزت إيراداته الـ 100 مليون جنيه، والفيلم ضم مجموعة كبيرة من النجوم أبرزهم: أحمد عز، كريم عبد العزيز، هند صبري، لارا إسكندر، سيد رجب، أحمد مالك، وعدد آخر من الفنانين، والعمل من إخراج مروان حامد، وتدور أحداثه في إطار ثورة 1919 والاحتلال الإنجليزي.
