حاتم فهمي عن شريف شاكر: 30 شخص كانوا بيدعوله في القبر.. وهذا ما فعله مصطفى حسني أثناء الدفن
حرص الفنان حاتم فهمي على حضور عزاء صديقه الفنان شريف شاكر، الذي أقيم اليوم في مسجد الشرطة بمنطقة التجمع الخامس، وسط حضور عدد من الأصدقاء والأهل.
وواسى حاتم فهمي والدة شريف شاكر، وقال لها أثناء العزاء: شريف تعبان بقاله 5 سنين وإحنا مرتاحين، جيه دورنا إحنا بقى دلوقتي نتعب شوية ونيجي على نفسنا ونرضى عشان هو مرتاح.. ميستاهلش.
وأردف: أجواء الدفنة كانت حلوة، فيها سحابة مضللة علينا ومطر والناس مش عايزة تمشي، أكتر من 30 شخص كان جوا في القبر مكناش عارفين نتنفس من كتر العدد وبندعيله، والداعية مصطفى حسني تأكد من توجيهه الصحيح ناحية القبلة أثناء الدفن، وبقينا ندعيله ومش عارفين نطلع، وكلنا بنقول يا بخته، أي حد يتمنى ده.
عزاء المطرب شريف شاكر
حضر عزاء الراحل شريف شاكر كل من المطرب حاتم فهمي، وحسين السيد لعب نادي الأهلي السابق، وواسوا أهل شريف شاكر، بعد انهيارهم من البكاء لفقدانهم شريف بعد معاناته سنوات مع مرض السرطان.
وفاة المطرب شريف شاكر
ورحل شريف شاكر عن عالمنا يوم الجمعة الماضية، بعد صراع مع السرطان لسنوات طويلة، وذلك داخل العناية المركزة في أحد مستشفيات القاهرة، وتم تشييع جثمانه بالأمس من مسجد حسن الشربتلي بمنطقة التجمع الخامس، وحرص الداعية مصطفى حسني على حضور صلاة الجنازة على الفقيد.
