مستشارة تربية أسرية: أنا ضد استقلال المرأة.. ومفيش ست سوية بتعيش من غير راجل
كشفت الدكتورة إيمان الريس مستشارة التربية الأسرية، عن رأيها في استقلال المرأة عن منزل أسرتها وانتقالها للعيش بمفردها والاعتماد على نفسها اعتماد كامل، موضحة الدافع النفسي وراء الاستقلال.
وقالت إيمان الريس، في لقائها ببرنامج البيه والهانم الذي تقدمه الإعلامية نورين شحاتة والإعلامي ممدوح الشناوي، عبر شاشة قناة القاهرة والناس: الطبيعي أن في أب وأم وأسرة واحنا بنحتاج الأمان وكون إني بضحي بالأمان ده يبقى أنا مش حاسة بيه في بيتي وبدور عليه برا، وأنا ضد استقلالية البنات دون اضطرار يعني مثلا لو بسبب الدراسة أو الشغل تمام، ودي القاعدة الشاذة، واللي عندهم عدد أولاد كتير جدًا صعب أن الأب والأم يدوا الحنان والحب متساوي، ودايمًا أنا بشفق عليهم لأن عايزينهم كلهم يبقوا كويسين.
وتابعت: الأهل بيحموكي من أي أضرار من المجتمع زي الشهوة الجنسية والتسرع والتهور، ومفيش ست سوية بتعيش من غير راجل ومفيش بنت سوية بتتربى في بيت من غير راجل، ما نخلينا أسوياء نفسيا، لما يكون أهلي جنبي وباخد منهم الرعاية والاهتمام والحنان وأنا ارفضه يبقى أنا فيا حاجة غلط ومش طبيعية.
كما عبرت الإعلامية نورين شحاتة عن رأيها، قائلةً: شايفة إن أي ست لازم تكون مستقلة مفيش كلام، تكون مستقلة رأيًا وماديًا، هي نص المجتمع، وفي بعض الأسباب ممكن البنت تسيب بيت أهلها زي إنها تعيش في بلد تانية أو تدرس برا، لكن الست نص المجتمع
