نورين شحاتة: لو الزوجة دورها تغسل وتنضف الراجل يجيب شغالة أحسن.. والست شريكة حياة مش عاملة
تحدثت الإعلامية نورين شحاتة عن دور الزوجة مع زوجها في الحياة بشكل عام، وعن مشاركتها ومساهمتها في الحياة، مشيرة إلى أن الزوجة شريكة حياة مش عاملة.
وناقشت نورين شحاتة خلال برنامج البيه والهانم موضوع دور الزوجة ومشاركتها في مصروف المنزل، قائلة: يعني إيه الست لازمتها إيه في البيت لو جبت شغاله هتبقى محتاج تتجوز مفيش إمكانية تجيب شغالة بس فيه إمكانية تتجوز ؟!
وعن دور الزوجة، قالت نورين: الزوجة دورها معاك هي شريكة حياة في الآراء والسند.. الزوجة بتسندك في الوقت الصعب أنت عايز شريكة حياة مش عاملة، ويعني إيه أصلا مطيعة يعني إيه الست تقول حاضر ونعم بدون نقاش.. ما تجيبلك شغاله لو الزوجة دورها تغسل وتنضف.
برنامج البيه والهانم
برنامج البيه والهانم، والتي تقدمه الإعلامية نورين شحاتة والإعلامي ممدوح الشناوي، يعد برنامجًا اجتماعيًا يناقش كل ما يخص المرأة والرجل، وخلال الحلقات سيتم استضافة مجموعة من نجوم الفن على مدار الحلقات، والبرنامج من إنتاج شركة ريكورد ميديا، ويعرض من الأحد حتى الأربعاء في الساعة السادسة مساء.
